З 1 чэрвеня па 31 жніўня ў зале прававой інфармацыі (пам. 207b) адкрыта тэматычная кніжная выстаўка “Прававая падтрымка маладых спецыялістаў”.
Пытанні размеркавання і працаўладкавання выпускнікоў устаноў адукацыі, якія атрымалі прафесійна-тэхнічную, сярэднюю спецыяльную або вышэйшую адукацыю, з гадамі не губляюць сваёй актуальнасці. Бо гэта пытанні не толькі будучыні прадпрыемстваў, галін эканомікі, але і краіны. Многія праблемы і пытанні эканомікі сённяшняга часу патрабуюць сучаснага падыходу да іх вырашэння. Аснову любога стабільнага грамадства складаюць культурныя, інтэлектуальна развітыя людзі з вышэйшай адукацыяй, з шырокім кругаглядам ва ўсіх галінах ведаў, з фундаментальнай асновай. Сёння краіне патрэбны адукаваныя, эрудзіраваныя грамадзяне, здольныя ўдзельнічаць у рашэнні перспектыўных задач дзяржавы.
Першае працоўнае месца дае магчымасць кожнаму выпускніку навучальнай установы рэалізаваць свае прафесійныя навыкі. Гэта старт у вялікае жыццё, ад якога залежыць наступны лёс. І тут важна прадэманстраваць не толькі атрыманыя веды і ўменні, але і асабістую ініцыятыву, характар і здольнасць працаваць у калектыве.
Сярод зваротаў студэнтаў за юрыдычнай кансультацыяй да работнікаў прафсаюзных арганізацый, спецыялістаў аддзелаў кадраў і юрысконсультаў устаноў адукацыі праблемы размеркавання, занятасці, пакрыцця затрачаных дзяржавай сродкаў сёння займаюць значнае месца.
З мэтай падтрымкі маладога спецыяліста ў перыяд прафесійнага станаўлення дзяржава распрацавала комплекс мер па паляпшэнні яго сацыяльнага і матэрыяльнага становішча. Дадзеныя меры дапамагаюць учарашняму выпускніку не разгубіцца ў свеце, які дынамічна развіваецца, паспяхова ўкараняць перадавыя тэхналогіі ва ўсе сферы эканомікі, выразна ўсведамляючы перспектывы ўласнага кар’ернага росту.
Экспазіцыя ўключае наступныя тэматычныя раздзелы:
- Размеркаванне і працаўладкаванне маладых спецыялістаў;
- Матэрыяльная і крэдытна-фінансавая падтрымка маладых спецыялістаў;
- Забеспячэнне прафесійнага росту.
На выстаўцы прадстаўлена звыш 40 дакументаў: кнігі, брашуры, перыядычныя выданні.
Выстаўка будзе цікавая выпускнікам розных навучальных устаноў, выкладчыкам, работнікам прафсаюзных арганізацый, спецыялістам аддзелаў кадраў.
Кантактны тэлефон: 293-27-28.
 |
 |
 |
 |
