13 мая 2008 года ў зале выяўленчых і відэадакументаў Нацыянальнай бібліятэкі Беларусі адкрыта выстаўка "Полымя на палітры", прысвечаная 75-годдзю з дня нараджэння народнага мастака Беларусі Аляксандра Міхайлавіча Кішчанка (1933 -1997).
У шэрагу беларускіх манументалістаў і дэкаратараў XX стагоддзя Аляксандр Кішчанка займае адмысловае месца. Такіх мастакоў цяжка прыпісаць да ліку майстроў якога-небудзь вызначанага віду выяўленчага мастацтва – яны занадта шматгранныя. А.М. Кішчанка працаваў у манументальным і станкавым жывапісе, мазаіцы і габелене. Яго творчасці ўласцівы глыбокая ідэйнасць і прафесійнае майстэрства, вострае пачуццё часу і высокая пластычная культура. Працы выдатнага беларускага мастака ўпрыгожваюць інтэр’еры шматлікіх адміністрацыйных і грамадскіх будынкаў па ўсёй Беларусі.
На выстаўцы прадстаўлены альбомы, кнігі, артыкулы, паштоўкі і рэпрадукцыі прац майстра.
Экспазіцыя разлічана на ўсе катэгорыі чытачоў, якія цікавяцца біяграфіяй і творчасцю Аляксандра Міхайлавіча Кішчанкі.
Выстаўка працуе з 13 мая па 21 чэрвеня 2008 г. на 3-м паверсе ў зале выяўленчых і відэадакументаў (пам. 307).
Кантактны тэлефон 293-27-53.
 |
 |
 |
 |
 |
 |
