З 2 верасня па 29 кастрычніка ў зале перыядычных выданняў (пам. 106) праходзіць выстаўка “Падарожжа па гарадах Беларусі “.
Горад... Яго гісторыя, жыццё, культурная спадчына... Кожны куток зямлі цікавы па-свойму. Славутасцям вялікіх і малых гарадоў нашай краіны прысвечана гэта выстаўка.
На карце няцяжка заўважыць, што Беларусь знаходзіцца дзесьці пасярэдзіне Еўропы. Нядаўна навукоўцы ўстанавілі, што сапраўдны цэнтр Еўропы размешчаны ў г. Полацку, які з’яўляецца самым старажытным горадам нашай краіны. А ў 2012 годзе Полацак адзначыў свой 1150-гадовы юбілей. Гэтай падзеі прысвечана вельмі шмат артыкулаў у часопісах “Полымя”, “Алеся”, “Беларускі гістарычны часопіс”, “Родина”.
Але калі мы гаворым пра вобраз Беларусі, то абавязкова ўзгадваем пра нашы малыя гарады. Пра іх славутасці, гісторыю вы прачытаеце ў часопісах “Планета”, “Беларусь”, “Алеся”.
Таксама на выстаўцы прадстаўлены нумары часопіса “Белая Русь”, кожны з якіх цалкам прысвечаны пэўнаму гораду Беларусі. Напрыклад, Полацку, Мінску, Маладзечна, Баранавічам. Там можна знайсці інфармацыю пра гісторыю горада, яго жыхароў, дзяржаўныя і грамадскія арганізацыі, дасягненні ў розных сферах навукі, культуры і сельскай гаспадаркі.
Экспазіцыя налічвае каля 40 артыкулаў з часопісаў за апошнія гады.
Кантактны тэлефон: (8 017) 293 25 87.
 |
 |
 |
 |
 |
 |
