ГалоўнаяНавіныКніжныя выстаўкі
Музычны летапісец
Час і літаратура

Пад знакам таленту і працы

Пад знакам таленту і працы
Іншыя навіны

З 5 па 25 студзеня 2009 года ў зале беларускай літаратуры (пам. 205) праходзіць выстаўка "Пад знакам таленту і працы", прысвечаная 80-годдзю Дзмітрыя Якаўлевіча Бугаёва, беларускага літаратуразнаўца і крытыка.


Сярод беларускіх даследчыкаў у галіне крытыкі і літаратуразнаўства Дз. Бугаёў займае адметнае месца. Яго працы вызначаюцца жанравай і тэматычнай разнастайнасцю, глыбінёй і пераканальнасцю літаратуразнаўчага аналізу, уменнем раскрыць індывідуальна-творчае аблічча пісьменніка, эстэтычнае багацце і стылявую самабытнасць беларускай літаратуры.

Экспазіцыя знаёміць з манаграфіямі Дз. Бугаёва, у якіх даследуецца жыццё і творчасць М. Лынькова ("Шчодрае сэрца пісьменніка", 1963), М.Танка ("Паэзія М.Танка", 1964, 2003), У. Дубоўкі ("Уладзімір Дубоўка", 1965, 2005), М. Гарэцкага ("Максім Гарэцкі", 1968, 2003), К. Крапівы ("Зброяй сатыры, зброяй праўды", 1971, 2004), І. Мележа ("Вернасць прызванню. Творчая індывідуальнасць Івана Мележа", 1977), В. Быкава ("Васіль Быкаў",1987).

Варты ўвагі прадстаўленыя на выстаўцы зборнікі артыкулаў і рэцэнзій "Шматграннасць" (1970), "Чалавечнасць" (1985), "Арганічнасць таленту" (1989), у якіх прааналізавана творчасць Я. Брыля, Г. Бураўкіна, А. Вярцінскага, П. Галавача, В. Каваля, Б. Мікуліча, І. Навуменкі, А. Адамовіча, Б. Сачанкі, М. Стральцова, А. Чарнышэвіча, І. Чыгрынава, Я. Янішчыц і інш.

Асаблівае месца ў навуковай дзейнасці Дз. Бугаёва займае кніга крытычных нарысаў "Талент і праца" (1979), за якую аўтар у 1984 г. быў узнагароджаны Дзяржаўнай прэміяй Беларусі імя Я. Коласа. Гэта кніга выніковая і ўключае найлепшыя навукова-крытычныя працы даследчыка.

Літаратуразнаўчая тэхналогія, напрацаваная крытыкам на працягу ўсёй яго творчай дзейнасці, актуальная і ў новых умовах. Пра гэта сведчаць публікацыі, сабраныя ў кнігах "Спавядальнае слова" (2001), "Служэнне Беларусі" (2003), у аглядных артыкулах і творчых партрэтах, змешчаных у многіх выданнях па гісторыі беларускай літаратуры, падручніках для ВНУ і сярэдніх школ Беларусі.

Кнігі Дз. Бугаёва – своеасаблівыя нарысы, дзе суіснуюць роздум, інтэрв’ю, бытавыя занатоўкі, экскурсы, супастаўленні. Разнастайная дзейнасць аўтара (гісторык літаратуры, тэарэтык і метадыст, біёграф, бібліёграф, тэкстолаг, рэцэнзент, рэдактар, складальнік) дае падставу глыбей зазірнуць у "сакрэты" прафесіі крытыка.

Кантактны тэлефон: 293-27-16.

Навіны

Завяршыўся VIII Міжнародны кангрэс “Бібліятэка як феномен культуры”

22 Кас 2021

На працягу двух дзён у Нацыянальнай бібліятэцы Беларусі праходзілі пасяджэнні, круглыя сталы, майстар-класы VIII Міжнароднага кангрэса “Бібліятэка як феномен культуры”. Удзельнікі абмяркоўвалі надзённыя праблемы бібліятэчнай сферы, звязаныя з вызначэннем місіі бібліятэк, іх ролі і месцы ў сучасным грамадстве ва ўмовах пандэміі.

Навіны Нацыянальнай бібліятэкі Беларусі

Выдадзена “Інструкцыя па ўліку i захаванасці фондаў Нацыянальнай бібліятэкі Беларусі”

22 Кас 2021

Выйшла з друку “Інструкцыя па ўліку i захаванасці фондаў Нацыянальнай бібліятэкі Беларусі”, якая ўстанаўлівае адзіныя правілы ўліку i захаванасці дакументаў, што складаюць фонды і калекцыі бібліятэкі.

Навіны Нацыянальнай бібліятэкі Беларусі

Канферэнцыя ў Маскве “Кніжныя помнікі ў аспекце захаванасці” (+відэа)

22 Кас 2021

19–21 кастрычніка ва Усерасійскай дзяржаўнай бібліятэцы замежнай літаратуры імя М.І. Рудаміно прайшла 5-я штогадовая Міждысцыплінарная навукова-практычная канферэнцыя “Кніжныя помнікі ў аспекце захаванасці”.

Навіны Нацыянальнай бібліятэкі Беларусі

Бібліятэка як феномен культуры: завяршыўся першы дзень працы VIII Міжнароднага кангрэса

21 Кас 2021

У Нацыянальнай бібліятэцы Беларусі абмеркавалі актуальныя пытанні бібліятэчнай сферы ў кантэксце новых выклікаў часу і новых магчымасцей і рашэнняў.

Навіны Нацыянальнай бібліятэкі Беларусі

Пасяджэнне Савета бібліятэк Беларусі па інфармацыйным узаемадзеянні

21 Кас 2021

21 кастрычніка ў рамках VIII Міжнароднага кангрэса “Бібліятэка як феномен культуры” адбылося пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

22 Кас 2021

У сённяшнім успрыманні творчай спадчыны Язэпа Драздовіча (1888–1954) на першым плане стаіць выяўленчае мастацтва, узоры якога прадстаўлены ў беларускіх музеях, сабраны пад вокладкамі альбомаў. Літаратурная практыка ў значна меншай ступені рэпрэзентавана і асэнсавана, хоць менавіта яна можа паслужыць ключом да расшыфроўкі кодаў незвычайных, касмічных тэм і сюжэтаў аўтара «Нябесных бегаў» (1931).

Навіны бібліятэк

Бібліятэка – як феномен культуры: адкрыўся штогадовы міжнародны кангрэс

21 Кас 2021

21 кастрычніка ў Нацыянальнай бібліятэцы Беларусі пачаў працу VIII Міжнародны кангрэс “Бібліятэка як феномен культуры”. Тэма гэтага года: “Бібліятэкі ва ўмовах пандэміі: новыя магчымасці, новыя рашэнні”.

Навіны Нацыянальнай бібліятэкі Беларусі

Апублікавана праграма кангрэса “Бібліятэка як феномен культуры”

20 Кас 2021

Апублікавана праграма VІІІ Міжнароднага кангрэса “Бібліятэка як феномен культуры”, які пройдзе 21–22 кастрычніка 2021 года на базе Нацыянальнай бібліятэкі Беларусі.

Навіны Нацыянальнай бібліятэкі Беларусі

Бібліятэкарам