З 1 верасня па 30 лістапада ў музеі кнігі Нацыянальнай бібліятэкі Беларусі ладзіцца выстаўка першадрукаў “Пачатае Скарынам”.
Выстаўка прымеркавана да юбілейных дат усходнеславянскіх першадрукароў – 520-годдзя з дня нараджэння Францыска Скарыны і 500-годдзя з дня нараджэння Івана Фёдарава. У экспазіцыі прадстаўлены арыгінальныя кніжныя помнікі знакамітых асветнікаў.
Выстаўка з’яўляецца рэдкай магчымасцю для наведвальнікаў пабачыць першадрукі Ф. Скарыны і І. Фёдарава. Экспануюцца пражскія выданні Скарыны “Кніга Іова” (1517), “Кнігі Царстваў” (1518) і “Эклезіяст” (1518). Прадстаўлены Апостал (1574), надрукаваны ў Львове І. Фёдаравым. Да лепшых кірылічных старадрукаў XVI ст. адносіцца Астрожская Біблія (1581), якую наведвальнікі таксама пабачаць на выстаўцы.
 |
 |
 |
 |
