ГалоўнаяНавіныКніжныя выстаўкі
У Беларусi выдадзена першая папулярная бiяграфiя Янкi Купалы
Першы з’езд Саюза пісьменнікаў Саюзнай дзяржавы

М.С. Напельбаум і гісторыя беларускай фатаграфіі

М.С. Напельбаум і гісторыя беларускай фатаграфіі
Іншыя навіны

З 4 снежня па 20 студзеня ў зале выяўленчых і відэадакументаў (пам. 307) праходзіць кніжна-ілюстрацыйная выстаўка “М.С. Напельбаум і гісторыя беларускай фатаграфіі”.


Выстаўка прысвечана 140-годдзю з дня нараджэння Маісея Саламонавіча Напельбаума (1869–1958).

У гісторыі фатаграфіі шмат слаўных імён мастроў, якія тварылі ў жанры партрэта. І ўсё ж сярод іх імя Маісея Напельбаума з’яўляецца, бадай што, найбольш значным. М.С. Напельбаум быў выдатным фотамайстрам, які стварыў асабістую, только яму ўласцівую манеру выканання студыйнага фотапартрэта.

Яго творчы шлях пачаўся ў Мінску ў 80-я гг. ХІХ ст. і доўжыўся больш за 70 год. За гэты час фатограф зрабіў тысячы партрэтных работ, якія ўвайшлі ў залаты фонд мастацтва фатаграфіі.

У экспазіцыі прадстаўлены матэрыялы пра біяграфію і творчую дзейнасць знакамітага беларускага фатографа: альбомы, кнігі, артыкулы, рэпрадукцыі і фатаграфіі. Асобны раздзел выстаўкі прысвечаны творчасці іншых беларускіх фотамастакоў пачатку ХХ ст., такіх як Я. Булгак, Б. Ванштэйн, Л. Гельгор, Р. Міранскі, М. Фішман.

Выстаўка адрасавана ўсім наведвальнікам, якія цікавяцца гісторыяй фатаграфіі, а таксама жыццём і творчасцю Маісея Саламонавіча Напельбаума.

Кантактны тэлефон: 293-27-58.

Навіны

Магчымасці выкарыстання віртуальнай чытальнай залы Нацыянальнай бібліятэкі прадстаўлены ў Брэсцкім дзяржаўным універсітэце

27 Лют 2020

26 лютага ў Брэсцкім дзяржаўным універсітэце імя А.С. Пушкіна прайшоў семінар "Сучасныя падыходы да павышэння эфектыўнасці інфармацыйнага забеспячэння навуковай і адукацыйнай дзейнасці".

Навіны Нацыянальнай бібліятэкі Беларусі

Семінар віртуальнай чытальнай залы Нацыянальнай бібліятэкі Беларусі ў Беларускім дзяржаўным універсітэце

27 Лют 2020

26 лютага ў Беларускім дзяржаўным універсітэце прайшоў семінар “Публікацыйная стратэгія вучонага”. Мерапрыемства было арганізавана БДУ сумесна з Нацыянальнай бібліятэкай Беларусі і кампаніяй Clarivate Analytics.

Навіны Нацыянальнай бібліятэкі Беларусі

Лекцыя “Ад «Маладняка» да «Маладосці»”

27 Лют 2020

26 лютага на факультэце сацыякультурных камунікацый Беларускага дзяржаўнага ўніверсітэта пры кафедры тэорыі і практыкі перакладу ў рамках рэспубліканскага праекта “На хвалі часу, у плыні жыцця” адбылася лекцыя “Ад «Маладняка» да «Маладосці»”.

Навіны Нацыянальнай бібліятэкі Беларусі

Эпізоды мастацкага жыцця Віцебска на старонках газет

27 Лют 2020

Пры ўсіх неадназначных працэсах, якія адбываліся на тэрыторыі Беларусі ў палітычнай, духоўнай і культурнай сферах у 1917–1922 гг., ішлі станаўленне беларускага нацыянальнага выяўленчага мастацтва і фарміраванне шматнацыянальнай групы мастакоў.

Праект “Сведкі эпохі: Беларусь на старонках газет 100-гадовай даўніны”

Кансервацыя папяровых дакументаў: сучасны стан, тэндэнцыі развіцця – абмяркоўваем разам

26 Лют 2020

25 лютага на базе аддзела рэстаўрацыі і кансервацыі бібліятэчных дакументаў Нацыянальнай бібліятэкі Беларусі адбыўся вэбінар на тэму “Кансервацыя папяровых дакументаў: сучасны стан, тэндэнцыі развіцця” для абласных бібліятэк.

Навіны Нацыянальнай бібліятэкі Беларусі

Семінар віртуальнай чытальнай залы ў БДУІР

26 Лют 2020

25 лютага пасля семінара ў Нацыянальнай бібліятэцы Беларусі электронная платформа Web of Science і рэсурсы віртуальнай чытальнай залы былі прадстаўлены ў Беларускім дзяржаўным універсітэце інфарматыкі і радыёэлектронікі.

Навіны Нацыянальнай бібліятэкі Беларусі

Даследчык спадчыны Францішка Багушэвіча

26 Лют 2020

Літаратуразнавец Уладзімір Ільіч Содаль кіраваў тэлестудыяй “Ліцэй”, вёў перадачу “ Роднае слова”, яго пяру належаць кнігі і альбомы, якія адкрывалі невядомыя старонкі жыцця нашых літаратурных класікаў, радавалі і ўсцешвалі чытачоў.

Навіны бібліятэк

111