З 5 ліпеня па 30 жніўня ў зале перыядычных выданняў (пам. 106) ладзіцца тэматычная выстаўка “Лета – час вандровак”.
З надыходам сезона адпачынкаў перад многімі паўстае пытанне: дзе і як адпачыць? Нехта прыцэньваецца да заморскіх курортаў, нехта складае экскурсійны маршрут па Еўропе, а нехта плануе правесці некалькі тыдняў сярод родных дуброў. Менавіта таму адкрыццё такой выстаўкі асабліва актуальна.
У экспазіцыі прадстаўлена каля 40 публікацый, якія раскажуць пра розныя варыянты летняга адпачынку. Калі вы вырашылі правесці свой адпачынак у Беларусі, вам дапаможа падборка матэрыялаў з газет і часопісаў “Отдых” (2010, № 13), “Беларусь” (2010, № 3–4), “Вокруг света в Беларусь” (2009, № 8, 10) і інш.
Любіце падарожнічаць? Звяртайцеся да матэрыялаў часопісаў “Вояж” (2009, № 2–3, 7–8), “Туризм: практика, проблемы, перспективы” (2009, № 4–5, 7–8), “Домовой” (2009, № 3, 5–6), газет “Туризм и отдых” (2010, № 20–21), “Путешественник” (2010, № 2) і інш.
Аддаяце перавагу камфорту? Інфармацыю пра адпачынак ва ўтульным атэлі вы знойдзеце, калі прачытаеце артыкулы ў часопісах “Турбизнес” (2009, № 4–5, 9), “Pingouin” (2010, № 5), “S.A.H.A.R.” (2009, № 3) і інш.
Кантактны тэлефон: 293-25-87.
 |
 |
 |
