ГалоўнаяНавіныКніжныя выстаўкі
Бібліятэка ўдастоена высокіх узнагарод Латвіі
Семінар па формах культурна-адукацыйнай дзейнасці

Кніжныя здабыткі

Кніжныя здабыткі
Іншыя навіны

З 1 лютага ў музеі кнігі (3-ці паверх, пам. 348) дэманструецца выстаўка помнікаў кніжна-пісьмовай культуры з паступленняў у фонд Нацыянальнай бібліятэкі Беларусі ў 2015 г. “Кніжныя здабыткі”.


У мінулым годзе за кошт бюджэтных сродкаў збор Нацыянальнай бібліятэкі Беларусі папоўніўся рэдкімі помнікамі айчыннай і еўрапейскай кніжнай культуры і архіўнымі матэрыяламі.

Было набыта больш за 200 заходнееўрапейскіх старадрукаў ХVІ–ХVІІІ стст. і рэдкіх выданняў, рукапісных і архіўных матэрыялаў, а таксама выдавецкай прадукцыі пачатку ХХ ст., якая адлюстроўвае гісторыю Беларусі.

Сярод здабыткаў – рукапісная кніга XVIII ст. з уладальніцкім запісам 1790 г. аб прыналежнасці касцёлу на тэрыторыі Беларусі, комплекс архіўных матэрыялаў пачатку ХХ ст. на польскай і рускай мовах, якія датычацца парафіі ў Старых Васілішках Віленскай губерні, а таксама матэрыялы і фотаздымкі перыяду 1938–1945 гг. ураджэнца Віцебшчыны, удзельніка Вялікай Айчыннай вайны К.І. Ломача.

Найбольш старажытным друкаваным помнікам кніжнай культуры з новых паступленняў з’яўляецца венецыянскае выданне Бібліі 1548 г.

Калекцыя заходнееўрапейскіх старадрукаў значна папоўнілася выданнямі XVIІ ст. знакамітых нідэрландскіх і галандскіх друкароў і выдаўцоў Плантэнаў і Эльзевіраў. Асаблівую цікавасць уяўляюць асобнік знакамітага твора К. Семяновіча “Вялікае мастацтва артылерыі…” (“Grand art d’Artillerie…”), які мае два тытульныя аркушы, а таксама выданні, пазначаныя несапраўднымі выходнымі звесткамі, якімі ў сярэдзіне XVIІ ст. карысталіся Эльзевіры. Цудоўнымі прыкладамі выдавецкага майстэрства XVIІ–XVIІІ стст. з’яўляецца кніжная прадукцыя іншых друкароў Амстэрдама, Жэневы, Лейпцыга, Парыжа, Лондана, Прагі.

Сярод старадрукаваных і рэдкіх выданняў вылучаюцца асобнікі з экслібрысамі, пячаткамі і правененцыямі ўладальнікаў беларускіх кніжных збораў – прадстаўнікоў родаў Радзівілаў і Гутэн-Чапскіх.

Асобны комплекс складаюць высакаякасныя факсімільныя выданні. Сярод іх шэсць тамоў рэдкага калекцыйнага факсіміле першага ў гісторыі сусветнай картаграфіі атласа гарадоў XVI ст. – “Гарады зямнога свету” (“Civitates Orbis Terrarum”) Ф. Хогенберга і Г. Браўна і адзін экзэмпляр навуковых каментарыяў да іх.

Тэлефон для даведак: (8 017) 293 27 22.

Навіны

VOKA бясплатна пакажа спектакль пра Скарыну па п’есе Віктара Марціновіча

22 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Новы віртуальны праект да 100-годдзя Нацыянальнай бібліятэкі Беларусі

21 Сту 2021

Прапануем вашай увазе віртуальны праект “Нацыянальная бібліятэка Беларусі ў сучаснай прэсе”, прысвечаны 100-годдзю галоўнай бібліятэкі краіны. Праект плануецца рэалізоўваць на працягу 2021–2022 гг.

Да 100-годдзя Нацыянальнай бібліятэкі Беларусі

Песня аб райскім жыцці: інсітнае мастацтва Алены Кіш

21 Сту 2021

У 2021 годзе спаўняецца 125 гадоў самабытнай мастачцы, унікальнаму майстру, прадстаўніцы наіўнага мастацтва Алене Кіш. Яна з’яўляецца стваральнікам унікальнага выяўленчага жанру аўтарскага размаляванага дывана.

Па старонках беларускага календара

Без панікі: чаму дзецям карысна чытаць страшныя гісторыі і як рабіць гэта правільна

20 Сту 2021

Дамы з прывідамі, жывыя мерцвякі, злавесныя праклёны... Змрочныя гісторыі заўсёды лічыліся больш прыдатнымі для старэйшай аўдыторыі, такое не варта даваць чытаць дзецям. І вельмі дарма: у страшылках значна больш карысці, чым эфемернай шкоды. Праўда, да іх – як і да ўсіх кніг – варта падыходзіць з розумам. Сёння мы паглядзім, як адкрыць для дзіцяці забаронены свет страшных гісторый і чаму гэта ў цэлым карысна.

Аўтарскі погляд

Да 90-годдзя бібліёграфа Алены Іосіфаўны Леў, якая прысвяціла трыццаць два гады развіццю бібліятэчнай справы

21 Сту 2021

Увесь калектыў Нацыянальнай бібліятэкі Беларусі сардэчна віншуе Алену Іосіфаўну з юбілеем і жадае ёй моцнага здароўя, невычэрпнай энергіі і сіл, радасці, шчасця і дабрабыту.

Партрэты: гісторыя бібліятэкі ў асобах

Бібліятэкарам
111