ГалоўнаяНавіныКніжныя выстаўкі
Паэтычнае майстэрства перакладчыка
Апублікаваны праект праграмы кангрэса

Кніга як твор мастацтва

Кніга як твор мастацтва
Іншыя навіны

20 кастрычніка ў бібліятэцы адбылося ўрачыстае адкрыццё выстаўкі рэдкіх аўтарскіх кніг “Кніга як твор мастацтва”.


Экспазіцыю эксклюзіўных выданняў у Мінск прывёз дырэктар фонду “Мастацтва Сартыраны” Джорджыа Форні. Імя італьянскага калекцыянера ўжо вядома гараджанам дзякуючы арганізаванай ім у бібліятэцы восенню мінулага года выстаўцы ўнікальных дызайнерскіх рэчаў, што належалі сусветным знакамітасцям.

Выстаўка “Кніга як твор мастацтва” праводзіцца ў рамках Тыдня італьянскай мовы ў свеце – маштабнага праекта па папулярызацыі італьянскай культуры, што паспяхова рэалізуецца ўжо больш за 13 гадоў. “Тыдні – вельмі важны праект, які праходзіць ва ўсім свеце пад патранатам прэзідэнта Італіі”, – адзначыў пад час адкрыцця выстаўкі Надзвычайны і Паўнамоцны Пасол Італьянскай Рэспублікі Стэфана Б`янкі. Ён выказаў падзяку фонду “Мастацтва Сартыраны” ў асобе Джорджыа Форні за магчымасць пазнаёміць з дзівоснымі экспанатамі беларускага гледача і Нацыянальную бібліятэку Беларусі за прадстаўленую пляцоўку для экспазіцыі. “Гэта прыемнае месца, якое можна назваць сэрцам беларускай культуры”, – сказаў пасол.

“Мне вельмі прыемна, што бібліятэка ў чарговы раз сустракае гасцей Тыдня італьянскай мовы”, – пачаў свае выступленне дырэктар Нацыянальнай бібліятэкі Беларусі Раман Матульскі, адзначаючы плённае супрацоўніцтва ўстановы з пасольствам Італьянскай Рэспублікі ў нашай краіне.

Да слоў дырэктара далучыўся і Джорджыа Форні: “Для мяне вялікі гонар і задавальненне знаходзіцца зноў у гэтым цудоўным месцы. Думаю, нам са спадаром паслом трэба знайсці яшчэ якую-небудзь цікавую ідэю для Нацыянальнай бібліятэкі”.

Экспазіцыя прадстаўляе ўвазе наведвальнікаў дзіўныя кнігі італьянскіх аўтараў, у ліку якіх экспанаты, што цяжка ўжываць па прызначэнні, – кнігі-арт-аб’екты: драўляныя кнігі (у тым ліку са шрыфтам Брайля), шкляная, выкананая ў тэхніцы шоўкатрафарэтнага друку і шматлікія іншыя.

Ідэя дадзенай выстаўкі – пазнаёміць беларускага гледача з арыгінальнымі творамі і незвычайнымі ілюстрацыямі сучасных італьянскіх аўтараў, а таксама з дапаможнымі творамі розных форм мастацтва (скульптура і жывапіс).

Экспазіцыя размясцілася на 3-м паверсе Нацыянальнай бібліятэкі Беларусі і будзе доўжыцца да 20 лістапада 2014 года.

Тэлефоны для даведак: (8 017) 293 27 56, 293 29 80.

Е-mail: pr@nlb.by

Навіны

Падведзены вынікі працы сістэмы карпаратыўнай каталагізацыі бібліятэк Беларусі за 2019 г.

6 Сне 2019

5 снежня на базе Нацыянальнай бібліятэкі Беларусі адбылося пасяджэнне Тэхналагічнага камітэта сістэмы карпаратыўнай каталагізацы бібліятэк Беларусі.

Навіны Нацыянальнай бібліятэкі Беларусі

Лекцыя аб сучасным беларускім канцэртна-выканальніцкім мастацтве

6 Сне 2019

5 снежня адбылася чарговая сустрэча ў межах цыкла “Беларуская музыка ў сусветнай мастацкай прасторы”. З сучасным беларускім канцэртна-выканальніцкім мастацтвам слухачоў пазнаёміла кандыдат мастацтвазнаўства, старшы навуковы супрацоўнік Інстытута мастацтвазнаўства, этнаграфіі і фальклору імя К. Крапівы Ірына Леанідаўна Гарбушына.

Навіны Нацыянальнай бібліятэкі Беларусі

6 Сне 2019

Да Рэгіянальнага зводнага каталога бібліятэк Брэсцкай вобласці далучыліся дзяржаўная ўстанова культуры “Маларыцкая раённая цэнтралізаваная бібліятэчная сістэма” і дзяржаўная ўстанова культуры “Жабінкаўская раённая цэнтралізаваная бібліятэчная сістэма”.

Навіны Нацыянальнай бібліятэкі Беларусі

Дамалюй працяг: выйшла другая частка дзіцячага комікса “Не для чужых вачэй”

6 Сне 2019

Выйшаў працяг прыгодніцкага комікса, выпушчанага ў падтрымку дабрачыннага праекта Беларускага дзіцячага фонду і кампаніі А1 “Я бачу!”. З 4 снежня другую частку гісторыі пра школьнікаў, іншапланецян і незвычайныя акуляры можна атрымаць у падарунак у кнігарнях Мінска і Віцебска.

Навіны бібліятэк

111