19 кастрычніка ў музеі кнігі Нацыянальнай бібліятэкі Беларусі адбылося ўрачыстае адкрыццё Тыдня італьянскай мовы з прэзентацыяй выстаўкі “Італьянская кніга на беларускіх землях часоў Боны Сфорцы”.
Мерапрыемства было падрыхтавана дзякуючы сумеснай рабоце Пасольства Італьянскай Рэспублікі ў Рэспубліцы Беларусь і Нацыянальнай бібліятэкі Беларусі.
У выставачную экспазіцыю ўвайшлі старадрукаваныя кнігі, выдадзеныя ў Італіі ў другой палове XV–XVI ст.
У адкрыцці Тыдня італьянскай мовы і прэзентацыі выстаўкі італьянскай старадрукаванай кнігі прынялі ўдзел Надзвычайны і Паўнамоцны Пасол Італьянскай Рэспублікі ў Рэспубліцы Беларусь Джуліо Прыджоні, намеснік міністра культуры Рэспублікі Беларусь Віктар Іосіфавіч Кураш, намеснік дырэктара Нацыянальнай бібліятэкі Беларусі па навуковай рабоце і сувязях з грамадскасцю Людміла Генадзьеўна Кірухіна, загадчык навукова-даследчага аддзела кнігазнаўства Нацыянальнай бібліятэкі Беларусі Галіна Уладзіміраўна Кірэева.
Творчыя нумары ўвазе гледачоў прадставілі ўзорны калектыў блок-флейт “Brevis” (кіраўнік Павел Сурагін) і студэнцкі хор аддзялення харавога дырыжыравання Беларускай дзяржаўнай акадэміі музыкі (мастацкі кіраўнік і дырыжор Інеса Бадзяка).
У рамках адкрыцця Тыдня італьянскай мовы і прэзентацыі выстаўкі італьянскай старадрукаванай кнігі Надзвычайным і Паўнамоцным Паслом Італьянскай Рэспублікі ў Рэспубліцы Беларусь Джуліо Прыджоні ў дар Нацыянальнай бібліятэцы Беларусі быў паднесены шэраг выданняў – кнігі і электронныя дакументы, прысвечаныя нацыянальным традыцыям, культуры Італіі.
 |
 |
 |
 |
 |
 |
