ГалоўнаяНавіныКніжныя выстаўкі
Кнігі ў дар
6 кніг, якімі зачытваецца свет. Коратка пра фіналістаў Букераўскай прэміі

Дакладнасць думкі, густ, майстэрства

Дакладнасць думкі, густ, майстэрства
Іншыя навіны

З 12 верасня па 7 кастрычніка ў зале дакументаў па мастацтве (пам. 306) праходзіць кніжна-ілюстрацыйная выстаўка “Дакладнасць думкі, густ, майстэрства”, прысвечаная 90-годдзю з дня нараджэння народнага мастака Беларусі, графіка Арлена Міхайлавіча Кашкурэвіча.

Арлен Кашкурэвіч (1929–2013) – адзін з найбольш яркіх прадстаўнікоў сучаснага беларускага мастацтва. Найвышэйшы прафесіяналізм, праўдзівы і яркі талент кніжнага ілюстратара, схільнасць да метафарычнасці, філасофскага і рэлігійнага разважання, зварот да духоўнага свету гледача, адлюстраванне незабыўных падзей Вялікай Айчыннай вайны – усё гэта фармуе творчы партрэт выдатнага майстра.

Мастак працаваў у розных тэхніках графікі: лінагравюры, літаграфіі, афорце, тэхніцы “сухой іголкі”. Будучы шматграннай, глыбокай і ўдумлівай асобай, А. Кашкурэвіч з аднолькавай сілай таленту мог адлюстраваць навакольны свет у станкавай, кніжнай графіцы, у галіне экслібрыса. У яго творчай спадчыне – вялікія графічныя цыклы, серыі малюнкаў, якія ўвасаблялі адвечныя вобразы дабра і зла, кахання і жаночай прыгажосці, жыцця і смерці. Аднак найбольш важнае месца ў творчасці майстра займае кніжная графіка. Яго працы – гэта не проста ілюстрацыі да тэксту, выяўленчае адлюстраванне сюжэта, а глыбіннае пранікненне ў сутнасць літаратурнага твора, раскрыццё яго філасофска-этычнага зместу. Вельмі паказальны ў гэтым плане цыкл ілюстрацый да трагедыі Гётэ “Фаўст” (1976), які можна ўбачыць на выстаўцы.

Экспазіцыя налічвае больш за 50 дакументаў, у ліку якіх кнігі М. Гусоўскага, Я. Купалы, А. Адамовіча, В. Быкава, А. Лойкі, У. Караткевіча, І. Шамякіна, А. Пушкіна, Г.Х. Андэрсана і іншых беларускіх і замежных пісьменнікаў, ілюстраваныя А. Кашкурэвічам, а таксама графічныя работы мастака з серый “Горад і людзі”, “Партызаны”, “Купаліяна”, “Асветнікі”.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Навіны

“Мы зарунелі на беларускіх загонах”: раннія творы маладнякоўцаў у беларускіх газетах 1917–1922 гг.

22 Вер 2019

Газеты можна параўнаць з летапісамі – на іх старонках занатаваны падзеі, якія пакінулі след у гісторыі, праз іх мы можам зазірнуць у мінулае і адчуць яго атмасферу. Паспрабуйма з дапамогай беларускіх газет 1917–1922 гадоў прасачыць, як сталелі тыя, хто ўвайшоў у склад Усебеларускага літаратурнага аб’яднання паэтаў і пісьменнікаў “Маладняк”.

Навіны бібліятэк

Які лёс беларускіх прыватных бібліятэк?

20 Вер 2019

Зборнік “Рэха беларускіх кнігазбораў: лёсы прыватных бібліятэк” выйшаў у свет у пачатку года. У ім сабраны гісторыі прыватных кніжных калекцый Беларусі пачынаючы з XVI стагоддзя. Гэтыя гісторыі гучаць досыць рэдка, пра іх мала хто ведае, аднак гэта толькі павялічвае той інтарэс, які ўзнікае пры іх прачытанні.

Навіны Нацыянальнай бібліятэкі Беларусі

Палюбіць беларускую камедыю: да 100-годдзя са дня нараджэння літаратуразнаўцы Якуба Усікава

20 Вер 2019

20 верасня споўнілася б 100 год са дня нараджэння беларускага літаратуразнаўцы, крытыка і педагога Якуба Усікава. Сваю навуковую дзейнасць ён прысвяціў беларускай драматургіі, у прыватнасці, камедыі.

Аўтарскі погляд

Нацыянальная бібліятэка далучылася да дзён расійскай духоўнай культуры

19 Вер 2019

19 верасня ў бібліятэцы прайшоў шэраг мерапрыемстваў у рамках форуму “Гістарычная, культурная і духоўная еднасць расійскага і беларускага народаў”, прымеркаванага да дзён расійскай духоўнай культуры.

Навіны Нацыянальнай бібліятэкі Беларусі

Сустрэча з адвакатам “Статус маладога спецыяліста: правы і гарантыі”

19 Вер 2019

18 верасня 2019 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Статус маладога спецыяліста: правы і гарантыі”.

Навіны Нацыянальнай бібліятэкі Беларусі

Візіт настаўнікаў беларускай мовы з Польшчы

19 Вер 2019

18 верасня для настаўнікаў беларускай мовы з Польшчы ў бібліятэцы ў межах семінара “Актуальныя пытанні вывучэння сучаснай беларускай мовы” былі арганізаваны музейныя заняткі. Сустрэча была ініцыіравана Акадэміяй паслядыпломнай адукацыі.

Навіны Нацыянальнай бібліятэкі Беларусі

Віртуальная чытальная зала працягвае знаёміць з рэсурсамі, прысвечанымі айчынным майстрам паэзіі і прозы

19 Вер 2019

Віртуальны музей Аркадзя Куляшова “Сэрца, дзе ўсёй зямлі трывога...” – гэтымі словамі паэта-класіка Аркадзя Куляшова звяртаем увагу аматараў слоўнай творчасці на персанальныя інфармацыйныя рэсурсы дзеячаў літаратуры Беларусі – М. Гарэцкага, А. Куляшова, У. Скарынкіна.

Навіны Нацыянальнай бібліятэкі Беларусі

111