ГалоўнаяНавіныНавіны Нацыянальнай бібліятэкі Беларусі
6 кніг, якімі зачытваецца свет. Коратка пра фіналістаў Букераўскай прэміі
Экскурсія для студэнтаў з Цэнтраў вывучэння Беларусі ў Кітаі

Брэст сустракае гасцей

Брэст сустракае гасцей
Іншыя навіны

10–12 верасня ў Брэсце праходзіць міжнародная канферэнцыя “Кніга ў фарміраванні інтэлектуальнай культуры народа”. Мерапрыемства прысвечана 1000-годдзю Брэста і наданню гораду статусу “Культурная сталіца Садружнасці 2019 года”.

Арганізатары – Брэсцкі гарадскі выканаўчы камітэт і Бібліятэчная асамблея Еўразіі пры падтрымцы Міждзяржаўнага фонду гуманітарнага супрацоўніцтва.

Удзел у канферэнцыі прымае дырэктар Нацыянальнай бібліятэкі Беларусі Раман Матульскі.

11 верасня Раман Сцяпанавіч выступіў на канферэнцыі з дакладам аб дзейнасці і місіі Нацыянальнай бібліятэкі, задачах і сумесных праектах па папулярызацыі кніжнай і культурнай спадчыны Беларусі. Дырэктар распавёў аб унікальных “кніжных скарбах”, у ліку якіх і факсімільнае выданне Берасцейскай Бібліі (1563), выдадзенай Нацыянальнай бібліятэкай Беларусі сумесна з Выдавецкім домам “Сегмент” пры падтрымцы страхавой кампаніі “Белнафтастрах”.

Арыгінал Берасцейскай Бібліі выдадзены ў Брэсцкай друкарні па загадзе і на грошы канцлера Вялікага Княства Літоўскага князя Мікалая “Чорнага” Радзівіла. Кніга сведчыць пра славу, магутнасць і багатую культурную традыцыю Брэста, таму праект быў прымеркаваны да святкавання 1000-гадовага юбілею горада. Факсімільнае выданне важыць 15 кг і налічвае каля 1 500 старонак – гэта самая вялікая кніга ў гісторыі айчыннага друку. З абсалютнай дакладнасцю былі адноўлены памер, папера, рукапісныя надпісы і паметкі, закладка і іншыя асаблівасці арыгінала.

Таксама 11 верасня адбылося выязное пасяджэнне Бібліятэчнай асамблеі Еўразіі. У рабоце сходу прынялі ўдзел кіраўнікі і прадстаўнікі бібліятэк – членаў БАЕ: Беларусі, Казахстана, Малдовы, Расіі, Таджыкістана і Узбекістана. Мадэратарам пасяджэння выступіў віцэ-прэзідэнт БАЕ Раман Матульскі.

Дырэктары і вядучыя спецыялісты найбуйнейшых бібліятэк Садружнасці Незалежных Дзяржаў абмеркавалі падрыхтоўку мадэльнай рэкамендацыі па вызначэнні адзіных падыходаў па пытанні абавязковага экзэмпляра друкаванага выдання ў электроннай форме, а таксама шэраг ініцыятыў, прымеркаваных да 75-годдзя Перамогі ў Вялікай Айчыннай вайне 1941–1945 гадоў.

Падчас пасяджэння дырэктар “алмаза ведаў” перадаў у дар прадстаўнікам бібліятэк Садружнасці факсімільнае ўзнаўленне першай у свеце кнігі пад назвай “Буквар” (1618). Выданне раскрывае ўсю значнасць і ўнікальнасць помніка і прызначана садзейнічаць папулярызацыі лепшых узораў кніжнай культуры беларускага народа, захаванню яго духоўнай спадчыны.

12 верасня ўдзельнікі міжнароднай канферэнцыі пазнаёмяцца з гісторыяй горада-героя Брэста, наведаюць Брэсцкую крэпасць, музей “Бярэсце”, музей гісторыі горада, музей выратаваных мастацкіх каштоўнасцей і музей чыгуначнай тэхнікі.

Матэрыял прадастаўлены аддзелам сувязей з грамадскасцю.

Навіны

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан

22 Чэр 2021

Прэзентацыя інфармацыйна-ілюстрацыйнага праекта “Лясная песня” ў горадзе Нур-Султан была прымеркавана да 80-годдзя пачатку Вялікай Айчыннай вайны.

Навіны Нацыянальнай бібліятэкі Беларусі

23 Чэр 2021

«Тэатр, як вядома, мае звычай зацягваць у сябе людзей, як зачараваны лес». Думаецца, праўдзівасць гэтага радка з рамана «Вялікае падарожжа Малой» пацвердзіць аўтарка Алена Папова. Ведаюць яе не толькі як драматурга, чые п'есы ідуць па ўсім свеце, перамагаюць на прэстыжных міжнародных конкурсах, але і як адметнага празаіка. «Таямнічы код прозы Алены Паповай» – гучала ў загалоўку адной з рэцэнзій.

Навіны бібліятэк

22 Чэр 2021

19 чэрвеня 1924 года нарадзіўся беларускі пісьменнік Васіль Быкаў. Большасць твораў, напісаных аўтарам, – аповесці, дзеянне якіх адбываецца ў час Вялікай Айчыннай вайны. У іх паказаны маральны выбар чалавека ў найбольш драматычныя моманты жыцця. Быкаў на свае вочы бачыў вайну, таму так ярка і эмацыянальна яму ўдавалася перадаць увесь цяжар ваенных гадоў. Прапануем вам пяць кніг народнага пісьменніка Беларусі, якія праславілі беларускую літаратуру на ўвесь свет.

Навіны бібліятэк

Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

21 Чэр 2021

Вы любіце ілюстрацыі. Хто іх не любіць? Малюнкі заўсёды засвойваюцца куды прасцей і хутчэй, чым шматстаронкавыя тэксты, а калі яны яшчэ і для вока прыемныя, задавальненне вырастае ўдвая. Так думалі і людзі ў Сярэдневякоўі, а таму шчодра дадавалі ў свае кнігі каляровыя мініяцюры. Вы пэўна бачылі некалькі такіх – шалёныя зайцы з дзідамі, ціхамірныя людзі ў дзіўных позах, рыцары змагаюцца са слімакамі... Давайце разбяромся, чаму кніжная мініяцюра такая незвычайная.

Аўтарскі погляд

21 Чэр 2021

Кнігі маладой пісьменніцы Ганны Чыж-Літаш — адны з самых запатрабаваных у чытацкай аўдыторыі. Актуальныя праблемы, якія ўзнімае аўтарка, — пошукі сэнсу жыцця, сяброўства, любові, сябе — нікога не пакідаюць абыякавым, таму што кожны так ці інакш штодзённа мусіць іх вырашаць, адказваць на спрадвечныя пытанні ўласнымі ўчынкамі. Паказаныя праз простыя сюжэты і немудрагелістыя дыялогі, апісаныя ў сітуацыях, у якія можа трапіць кожны, — гэтыя праблемы спрыяюць раскрыццю ўнутранага свету сучаснікаў, праз што яны становяцца блізкімі і зразумелымі чытачам любога ўзросту.

Навіны бібліятэк

Заснавальнік фармацэўтычных навук у Беларусі

21 Чэр 2021

21 чэрвеня спаўняецца 280 гадоў з дня нараджэння вядомага французскага вучонага-энцыклапедыста, доктара медыцыны, прафесара Жана Эмануэля Жылібера (1741‒1814), які па праве лічыцца заснавальнікам фармацэўтычных навук у Беларусі. Ён стварыў і некалькі гадоў узначальваў першую вышэйшае медыцынскую ўстанову на тэрыторыі сучаснай Беларусі – Гродзенскую медыцынскую акадэмію.

Па старонках беларускага календара

Аўтару “Флоры Літвы” – 280 гадоў

21 Чэр 2021

21 чэрвеня 1741 г., роўна 280 гадоў таму, нарадзіўся сусветна вядомы французскі вучоны, батанік, лекар і педагог Жан Эмануэль Жылібер. Навуковая дзейнасць знакамітага натураліста была цесна звязана з тэрыторыяй сучаснай Беларусі. Менавіта ён стаў заснавальнікам “Цэнтра медыцынскай адукацыі і медыка-біялагічных навук” у Гродна і аўтарам навуковай кнігі “Флора Літвы”.

Навіны Нацыянальнай бібліятэкі Беларусі

Бібліятэкарам
111