З 8 па 21 мая ў Нацыянальнай бібліятэцы Беларусі (2-гі паверх, кальцавы калідор) размешчана выстаўка “Чытаем разам”, прысвечаная Міжнароднаму дню сям’і (15 мая).
Чытанне спрыяе фарміраванню сацыяльна значымага чалавека, больш развітога, прычым выхоўваць такога чалавека можна толькі з самых маладых гадоў. Вялікую ролю ў гэтым працэсе адыгрывае сістэматычнае далучэнне дзіця да сямейнага чытання, якое арганізуецца з дапамогай дамашніх бібліятэк. Дзякуючы ім ў сям’і ёсць магчымасць выхоўваць любоў да кнігі.
Сямейнае чытанне займае асаблівае месца ў развіцці чалавека. Традыцыі чытання сыходзяць сваімі каранямі ў далёкае мінулае – пра гэта сведчаць незлічоныя калыханкі, прыгаворкі, песенькі, пястушкі, лічылкі, казкі, загадкі….
Першая сустрэча чалавека з кнігай адбываецца ў сям’і. Сямейнае чытанне дапамагае дзіцяці ўвайсці ў свет кніжнай культуры. Яно рыхтуе маленькага чалавека да ўзаемаадносін з кнігай, падахвочвае і паглыбляе ўвагу, спрыяе ранняму і правільнаму авалоданню роднай мовай.
У рамках Года кнігі Нацыянальная бібліятэка Беларусі прадстаўляе ўвазе чытачоў тэматычную кніжную выстаўку “Чытаем разам”, на якой экспануецца каля 150 выданняў, прысвечаных розным аспектам сямейнага чытання. Асобныя раздзелы ўключаюць найноўшыя выданні, якія прапануюцца для сямейнага чытання: энцыклапедыі, кніжкі-цацкі, навучальныя кнігі, папулярныя дзіцячыя мастацкія творы і г.д.
Дадзеная выстаўка – гэта своеасаблівы компас у свеце выданняў для дзяцей.
Тэлефон для даведак: (+375-17) 293-28-86.
 |
 |
 |
 |
 |
 |
 |
 |
 |
 |
 |
 |
 |
 |
 |
