ГалоўнаяНавіныКніжныя выстаўкі
Урачысты вечар і акцыя перадачы кніг
Н. Гальпяровіч: “Веданне беларускай мовы – гэта паказчык адукаванасці чалавека”

Біблія Гутэнберга

Біблія Гутэнберга
Іншыя навіны

З 10 па 31 снежня ў музеі кнігі будзе экспанавацца ўнікальны экзэмпляр факсіміле Бібліі Гутэнберга з прыватнай замежнай калекцыі.


Выстаўка прымеркавана да 560-годзя выдання знакамітай 42-радковай Бібліі, якое адзначаецца сусветным грамадствам сёлета. Акцыя адбудзецца напярэдадні 500-годдзя выдавецкай дзейнасці Францыска Скарыны, якое шырока будзе адзначацца ў 2017 г.

42-радковая Біблія з’яўляецца адным з першых і самым вядомым выданнем Іагана Гутэнберга, якое ўбачыла свет у Майнцы ў 1452–1455 гг. Фаліянт надрукаваны на латыні выдатным гатычным шрыфтам, мае шыкоўнае афармленне і пераплецены ў два тамы.

Факсіміле выканана па арыгінале, які захоўваецца ў Епархіяльным музеі ў г. Пельпліне (Польшча). У 2002–2003 гг. у Польшчы да 550-годдзя выдання адной з першых Біблій “рухомымі” літарамі і 25-годдзя Яна Паўла ІІ у якасці Папы Рымскага было выдадзена выдатнае факсіміле абмежаваным тыражом – 198 копій Бібліі Гутэнберга. Менавіта Папа Рымскі Ян Павел ІІ атрымаў экзэмпляр выдання за нумарам 1, які сёння захоўваецца ў Ватыкане.

Праца над падрыхтоўкай факсімільнага выдання працягвалася два гады. У праекце прымалі ўдзел навуковыя ўстановы Польшчы, Германіі і Японіі. Факсіміле адрозніваецца вельмі высокай якасцю ўзнаўлення арыгінала з выкарыстаннем самых сучасных тэхналогій. Дакладна выканана папера з вадзянымі знакамі. Ініцыялы і рукапісныя элементы афармлення кнігі ўзноўлены ўручную з захаваннем тэхналогіі таго часу. Выключна паўторана аправа работы Генры Костэра Любэка сярэдзіны ХV ст. Нават пашкоджанні пры выкарыстанні і недакладнасці, дапушчаныя пры друкаванні арыгінала, перададзены ў факсіміле. Акрамя таго, камплект прыгожа ўпакованы ў скураны чамадан, які з’яўляецца дакладнай копіяй дарожнай скрынкі, зробленай у 1939 г. для арыгінала. Яго выкарысталі, каб зберагчы Біблію ў часы Другой сусветнай вайны.

Асобнік факсіміле, прадастаўлены выдаўцом і бібліяфілам Тадэвушам Радзіўшам з Літвы, з’яўляецца копіяй адзінага польскага экзэмпляра ўнікальнага першадрука, які перажыў стагоддзі еўрапейскіх войнаў і разбурэнняў і добра захаваўся да нашага часу.

Кантактны тэлефон: (8 017) 293 25 85.

Навіны

Стартаваў праект «Кнігі Беларусі. Год 2019»

14 Сне 2019

Учора ў выставачнай зале Нацыянальнай бібліятэкі стартаваў праект «Кнігі Беларусі. Год 2019». Яго арганізатарам выступіла Міністэрства інфармацыі сумесна з Нацыянальнай кніжнай палатай і Нацыянальнай бібліятэкай Беларусі. Гэты год для айчыннага кнігавыдання стаў вельмі плённым: больш за 520 суб'ектаў кнігавыдання, дзякуючы якім сёлета выдадзена звыш 9 тысяч кніг агульным тыражом больш за 20 мільёнаў экзэмпляраў. На выстаўцы прадстаўлены менавіта найлепшыя кнігі 2019 года.

Навіны бібліятэк

Прастору бібліятэкі ажывілі эцюды Пятра Шарыпы

16 Сне 2019

У Нацыянальнай бібліятэцы адкрылася выстава “Святло і паветра”, на якой прадстаўлены творы выдатнага майстра краявідаў, беларускага жывапісца Пятра Пятровіча Шарыпы (1942–2013).

Навіны Нацыянальнай бібліятэкі Беларусі

У Маскве адкрылася выстаўка “Сімяон, сын Полацка”

13 Сне 2019

12 снежня ў Дзелавым і культурным комплексе Пасольства Рэспублікі Беларусь у Расійскай Федэрацыі адкрылася кніжна-ілюстрацыйная выстаўка “Сімяон, сын Полацка”, прысвечаная 390-годдзю з дня нараджэння дзяржаўнага, царкоўнага і культурнага дзеяча Беларусі і Расіі.

Кніжныя выстаўкі

“Школа даследчыка” навучыць, дзе і як шукаць літаратуру

13 Сне 2019

Нацыянальная бібліятэка Беларусі валодае шырокім спектрам электронных інфармацыйных рэсурсаў, якія адлюстроўваюць не толькі нашы фонды і фонды іншых бібліятэк, але і дзясяткі мільёнаў лепшых сусветных публікацый з ліцэнзійных баз даных.

Навіны Нацыянальнай бібліятэкі Беларусі

Доўгая дарога да дома Караткевіча

13 Сне 2019

Адзін з найзначнейшых юбілеяў, якія будуць адзначацца ў надыходзячым 2020-м — 90-годдзе з дня нараджэння Уладзіміра Караткевіча. Як налета збіраюцца ўшанаваць памяць аб славутым земляку на ягонай малой радзіме — пакрысе высвятляецца ўжо сёння.

Навіны бібліятэк

111