З 22 снежня па 10 студзеня ў зале дакументаў па мастацтве (пам. 306) праходзіць выстаўка з нашай калекцыі выяўленчых дакументаў “Белыя сыплюцца долу крышталікі…”, дзе прадстаўлены работы, прысвечаныя зімоваму пейзажу.
Прыгажосць зімовай прыроды зачароўвае. Зіма ў карцінах мастакоў – гэта казачны час ціхамірнай пышнасці, калі прырода спіць і адпачывае, схаваўшыся пад беласнежнай коўдрай. Тут прадстаўлены мароз і сонца, бадзёрасць пагодлівага зімовага дня, прыгажосць распасцёртай далечы, адчуванне скрыпучага снегу…
Зіма, нараўне з вясной і восенню, застаецца любімай парой многіх жывапісцаў. І менавіта рускія мастакі ствараюць дзіўныя па прыгажосці пейзажы, што раскрываюць зімовую прыроду: І. Левітан, К. Юон, А. Пластоў, І. Грабар, А. Рылоў, К. Каровін, А. Грыцай і многія інш.
Прыгожы і прыбраны, быццам цацачны, зімовы горад у карціне Б. Кустодзіева “Масленіца”. У рабоце заўважаецца чыста рускае светаўспрыманне, заснаванае на асаблівай любові да паэтычнай зімы і маляўнічых правінцыйных мястэчак. Зачараванне сонечным святлом, ад якога іскрыцца і ззяе ўсё вакол, асабліва белы снежны полаг, заўсёды натхняла І. Грабара. Мастак узвышае матыў сонечнага снежнага пейзажу як сапраўды самабытны вобраз прыгажосці рускай прыроды. Блізкай да жывапісу І. Грабара была творчасць К. Юона. У карцінах прысутнічаюць залітыя сонцам зімовыя пейзажы, чароўныя блакітныя і ліловыя цені на снезе.
Значную частку экспазіцыі склалі пейзажы беларускіх мастакоў, сярод аўтараў – Л. Шчамялёў, В. Бялыніцкі-Біруля, А. Бархаткоў і інш.
Дапаўняюць кніжна-ілюстрацыйную экспазіцыю рэпрадукцыі, якія раскрываюць пышнасць зімовага пейзажу ў работах мастакоў іншых краін – К. Манэ, Х. Аверкампа і інш.
Усяго на выстаўцы прадстаўлена звыш 50 дакументаў, у ліку якіх альбомы рэпрадукцый, паштоўкі, кнігі і артыкулы.
Кантактны тэлефон: (8 017) 293 27 53.
 |
 |
 |
 |
 |
 |
 |
 |
 |
 |
 |
 |
