З 7 ліпеня па 7 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “8 мільярдаў. На шляху да ўстойлівай будучыні для ўсіх”, прысвечаная Сусветнаму дню народанасельніцтва.
Гэты Дзень штогод адзначаецца 11 ліпеня па рашэнні савета кіраўнікоў Праграмы развіцця Арганізацыі Аб’яднаных Нацый (Рашэнне ПРААН 89/46, п. 21). Упершыню ён праводзіўся ў ліпені 1987 года і быў прысвечаны з’яўленню пяцімільярднага жыхара планеты.
Мэта правядзення Дня – прыцягненне ўвагі грамадскасці да пытанняў народанасельніцтва, праграм агульнага развіцця насельніцтва, а таксама дэмаграфічных праблем у свеце.
Прапанаваная ўвазе чытачоў і наведвальнікаў бібліятэкі экспазіцыя знаёміць з дэмаграфічнымі тэндэнцыямі, ацэнкамі і прагнозамі ў галіне народанасельніцтва, а таксама з сусветнай дэмаграфічнай статыстыкай і палітыкай.
Выстава налічвае каля 90 дакументаў на рускай і англійскай мовах. Гэта кнігі, перыядычныя выданні, брашуры, буклеты, мімеаграфаваныя матэрыялы. Большую частку экспазіцыі складаюць дакументы міжнародных арганізацый – даклады і справаздачы ААН, такія як даклад аб сусветным развіцці, даклад аб чалавечым развіцці, штогадовыя даклады Фонду ААН у галіне народанасельніцтва, афіцыйныя справаздачы Камісіі па народанасельніцтве і развіцці і інш.
Сярод прадстаўленых дакументаў – статыстычныя зборнікі па народанасельніцтве, энцыклапедыі і даведнікі, манаграфіі, матэрыялы дэмаграфічных даследаванняў, навучальныя дапаможнікі, навуковыя даклады, матэрыялы навуковых канферэнцый, аналітычныя агляды.
Выстава ўключае наступныя тэматычныя раздзелы:
Выстава будзе цікавая выкладчыкам, аспірантам і студэнтам вышэйшых навучальных устаноў гуманітарнага і эканамічнага профіляў, навуковым работнікам, спецыялістам у галіне дэмаграфіі, сацыёлагам, работнікам органаў дзяржаўнага кіравання, а таксама ўсім, хто цікавіцца сацыяльна-дэмаграфічнымі і сацыяльна-эканамічнымі праблемамі.
Агульная колькасць жыхароў нашай планеты імкліва расце з кожным годам. У лістападзе 2022 года яна дасягнула адзнакі ў 8 мільярдаў чалавек.
За апошнія 200 гадоў колькасць насельніцтва Зямлі вырасла ў восем разоў. Так, напрыклад, калі ў пачатку 1900-х на планеце было ўсяго 1,6 млрд чалавек, то да пачатку 2000-х ужо 6 млрд, а ў 2011 годзе – 7 млрд. Такі імклівы рост тлумачыцца развіццём медыцыны, дасягненнямі ў галіне санітарыі, пашырэннем доступу да пітной вады, шырокім ахопам вакцынацыі.
Імклівы рост і мабільнасць насельніцтва, старэнне і ўрбанізацыя – гэтыя беспрэцэдэнтныя дэмаграфічныя змены ў свеце абяцаюць вялізныя магчымасці, але адначасова і сур’ёзныя праблемы. Актыўны рост насельніцтва адбіваецца на стане экалогіі, прыродных рэсурсах, сацыяльна эканамічным развіцці. Шматлікія крызісы – харчовы, паліўны, экалагічны, фінансавы – ствараюць значныя праблемы і падахвочваюць сусветную супольнасць да ўсведамлення неабходнасці надаваць значна больш увагі дэмаграфічным праблемам і асноватворным элементам устойлівага развіцця.
Карысныя спасылкі
- Рэзалюцыя Генеральнай асамблеі аб заснаванні Сусветнага дня народанасельніцтва [A/RES/45/216]
- Каірская дэкларацыя па народанасельніцтве і развіцці (1994)
- Дэкларацыя Мехіка па народанасельніцтве і развіцці (1984)
- Сусветны план дзеянняў у галіне народанасельніцтва (1974)
- Сусветны дзень народанасельніцтва
- Дэпартамент ААН па эканамічных і сацыяльных пытаннях
- Пастаянны форум ААН па пытаннях карэнных народаў
- Праграма ААН па праблемах старэння
- Фонд ААН у галіне народанасельніцтва (ЮНФПА)
- Сусветны дзень народанасельніцтва (ЮНФПА)
- Даклад аб народанасельніцтве свету
- Глабальны рост насельніцтва і ўстойлівае развіццё
- Сусветная палітыка ў галіне народанасельніцтва ў 2021 годзе: пытанні нараджальнасці
- Прагнозы сусветнага насельніцтва (2019)
- Сустрэча на вышэйшым узроўні ў Найробі
- Забяспечыць усеагульны доступ да сексуальнага і рэпрадуктыўнага здароўя і рэпрадуктыўных праў
- Сусветная дэмаграфічная палітыка (2019)
Канферэнцыі і мерапрыемствы па тэме
- Найрабійскі саміт МКНР-25 (Найробі, 2019)
- Міжнародная канферэнцыя па народанасельніцтве і развіцці (Каір, 1994)
- Міжнародная канферэнцыя па народанасельніцтве (Мехіка, 1984)
- Міжнародная канферэнцыя па народанасельніцтве (Бухарэст, 1974)
- Сусветны год народанасельніцтва (1974)
- Міжнародная канферэнцыя па народанасельніцтве (Бялград, 1965)
- Міжнародная канферэнцыя па народанасельніцтве (Рым, 1954)
Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 26.
Матэрыял пададзены аддзелам абслугоўвання афіцыйнымі дакументамі.