З 20 лютага па 20 сакавіка ў зале перыядычных выданняў (пам. 106) праходзіць тэматычная выстаўка “100 гадоў на варце правапарадку”, прысвечаная Дню беларускай міліцыі.
4 сакавіка адзначае сваё прафесійнае свята беларуская міліцыя. На ўсіх этапах развіцця органаў унутраных спраў супрацоўнікі МУС знаходзіліся на перадавой барацьбы са злачыннасцю і заўсёды станавіліся на абарону сваёй зямлі і суайчыннікаў, іх законных праў і інтарэсаў. Ад якасці іх працы і прафесіяналізму залежыць, ці будуць жыхары беларускіх гарадоў і вёсак адчуваць сябе ў бяспецы дома, на вуліцы, у дарозе.
Грамадзяне нашай краіны прад’яўляюць сёння самыя высокія патрабаванні да Міністэрства ўнутраных спраў. Усё гэта патрабуе больш эфектыўных падыходаў да барацьбы са злачыннасцю, удасканалення стратэгіі і тактыкі ў процідзеянні крыміналу і карупцыйным праявам.
Прадстаўленыя на выстаўцы спецыялізаваныя перыядычныя выданні “На страже”, “Милиция Беларуси”, “Вестник Академии МВД Республики Беларусь” раскажуць пра нялёгкую і небяспечную работу супрацоўнікаў органаў унутраных спраў. На старонках газет “Советская Белоруссия”, “Звязда”, “Гродзенская праўда”, “Минский курьер”, “Семь дней”, часопісаў “Беларуская думка”, “Беларусь” і інш. можна знайсці публікацыі, прысвечаныя дзейнасці МУС і яго структурных падраздзяленняў.
Кантактны тэлефон: (8 017) 293 25 87.