З 23 кастрычніка ў Нацыянальнай бібліятэцы адкрыты тэставы доступ да электронных навуковых рэсурсаў Амерыканскага фізічнага таварыства (American Physical Society, APS).
Амерыканскае фізічнае таварыства – адна з найбуйнейшых арганізацый у свеце, якая аб’ядноўвае фізікаў (заснавана ў 1899 годзе). На платформе APS прадстаўлена больш за дзясятак навуковых часопісаў па ядзернай фізіцы, фізіцы высокіх энергій, астрафізіцы, матэматычнай фізіцы, механіцы і інш., уключаючы адзін з самых прэстыжных часопісаў па фізіцы – Physical Review Letters, а таксама серыю часопісаў Physical Review.
Тэставы доступ адкрыты па 11 снежня 2023 г.
Запрашаем наведаць бібліятэку і скарыстацца магчымасцю азнаёміцца з аўтарытэтнымі навуковымі рэсурсамі, прадстаўленымі на платформе APS.
Матэрыял пададзены аддзелам карпаратыўнага ўзаемадзеяння.