Дата правядзення
Час правядзення
Месца правядзення
23 лютага а 15-й гадзіне ў галерэі “Лабірынт” адбудзецца творчы вечар “Руплівы сейбіт на ніве філалогіі”, прымеркаваны да 70-годдзя беларускага вучонага, доктара філалагічных навук, прафесара, дэкана філалагічнага факультэта Беларускага дзяржаўнага педагагічнага ўніверсітэта імя Максіма Танка Васіля Дзянісавіча Старычонка.
Васіль Старычонак – уладальнік медаля Францыска Скарыны, кавалер ордэна Францыска Скарыны, аўтар больш за 400 манаграфій, вучэбных і вучэбна-метадычных дапаможнікаў, даведнікаў і слоўнікаў, шматлікіх навуковых артыкулаў.
Нацыянальная бібліятэка прапануе выстаўку-прагляд па шырокім коле навуковых інтарэсаў Васіля Дзянісавіча. Сярод дакументаў – манаграфіі, слоўнікі, падручнікі і артыкулы па розных галінах мовазнаўства і літаратуразнаўства – дыялекталогіі, лексікалогіі, лексікаграфіі, полісеміі, семантыцы, культуры маўлення, міжмоўных кантактах, займальнай філалогіі.
Падчас мерапрыемства Дзмітрый Васільевіч Дзятко, доктар філалагічных навук, мовазнавец, прэзентуе бібліяграфічнае выданне “Прафесар Васіль Дзянісавіч Старычонак”.
У творчым вечары возьмуць удзел навукоўцы, выкладчыкі, аспіранты, творчая інтэлігенцыя, сябры і паплечнікі юбіляра.
Тэлефон для даведак: (8 017) 368 37 37.
Матэрыял падрыхтаваны аддзелам сувязей з грамадскасцю.