Дата правядзення
Час правядзення
Месца правядзення
Нацыянальная бібліятэка Беларусі працягвае серыю майстар-класаў з удзелам вядомых майстроў народнай творчасці Белапусі ў рамках выставачнага праекта “Фарфоравае асарці”.
24 і 29 кастрычніка з 15.00 па 18.00 у выставачным комплексе (пам. 104) адбудуцца майстар-класы з членам Беларускага саюза майстроў народнай творчасці Нінай Шкурдзюк па вырабе дэкаратыўнага пано ў тэхніцы “роспіс па шкле”.
Роспіс як адзін з відаў дэкаратыўна-прыкладнога мастацтва пачаў развівацца на тэрыторыі Беларусі толькі ў пачатку ХХ стагоддзя.
Малявалі беларусы на палатне, вясельных куфрах, на прамавугольных кавалках шкла празрыстымі каляровымі лакамі, алейнымі і друкарскімі фарбамі. Абрысы малюнка спачатку прапрацоўвалі чорнай лініяй, потым залівалі фарбай. У канцы працы мастак падкладаў пад шкло фольгу, што стварала своеасаблівы дэкаратыўны эфект.
Сваімі рукамі, выкарыстоўваючы ўсе перавагі фарбаў, можна намаляваць розныя карціны, распісаць вазы, зрабіць арыгінальным прадмет са шкла. У гэтай тэхніцы ствараюцца эксклюзіўныя ўпрыгажэнні для дома. Праца з вітражнымі фарбамі – творчы працэс, здольны надаць малюнку на шкле непаўторны характар.
Падобным чынам распісвалі дэкаратыўныя шкляныя рамкі для абразоў і сямейных фатаграфій. Сёння ў нашай краіне роспісам па шкле займаюцца лічаныя майстры, адным з якіх з'яўляецца Ніна Шкурдзюк.
На майстар-класе вы зможаце азнаёміцца з асноўнымі этапамі стварэння традыцыйнага малюнка на шкле, а таксама прымяніць атрыманыя веды на практыцы і стварыць уласнае пано з характэрнай кампазіцыяй, насычанай каларыстыкай.
Для ўдзелу ў майстар-класе неабходна:
- абавязкова зарэгістравацца па тэл. (8 017) 293 27 50;
- прынесці з сабой рамку для фатаграфіі любога памеру са шклом.
Наведванне майстар-класа ўваходзіць у кошт наведвання выставы “Фарфоравае асарці”:
- для дарослых – 7 руб.
- ля навучэнцаў сярэдніх, сярэдніх спецыяльных і вышэйшых навучальных устаноў – 5 руб.
Час работы выстаўкі адпавядае рэжыму работы бібліятэкі.
Тэлефоны для даведак: (8 017) 368 37 37, 293 27 50.
Матэрыял пададзены галерэйна-выставачным аддзелам.