Запрашаем на музейныя заняткі “Старажытнагрэчаская кніга”

18 сакавіка ў музеі кнігі адбудзецца творчая сустрэча “Старажытнагрэчаская кніга”.

Якімі па форме былі кнігі ў Старажытнай Грэцыі? На чым паэты і гісторыкі запісвалі свае творы?

Матэрыялам для пісьма ў Грэцыі служыў папірус. Але жыццё папіруса недаўгавечнае – каля 200 гадоў. Тым не менш пра старажытных грэкаў вядома шмат: сюжэты іх жыцця размешчаны на керамічных вырабах – вазах, амфарах, посудзе. Выявы дэманструюць, як у Старажытнай Грэцыі вучыліся чытаць і пісаць, як спаборнічалі і ваявалі, забаўляліся і адпачывалі.

У кожнага наведвальніка заняткаў будзе магчымасць:

• пачуць гісторыю аб тым, якім матэрыялам было вырашана замяніць папірус, калі егіпцяне адмовіліся пастаўляць яго ў Грэцыю;
• пазнаёміцца са стылямі роспісу грэчаскіх ваз – чорнафігурным або чырвонафігурным;
• навучыцца пісаць на васковай таблічцы.

Мерапрыемства разлічана на дзяцей 8–12 гадоў.

Кошт: 4.50 руб. (дарослыя суправаджаюць дзяцей бясплатна).
Колькасць удзельнікаў абмежаваная.

Папярэдні запіс па тэлефонах: (8 017) 293 27 82, (8 029) 18 18 451.
Электронная пошта: tatsianazablotskaya@gmail.com

Кантактная асоба: Заблоцкая Таццяна.