Дата правядзення
Час правядзення
Месца правядзення
4 лютага дзіцячы пакой запрашае дзяцей 6–10 гадоў на заняткі “Цікава пачытаць” па кнізе Святланы Фадзеевай “Случай в Пингвинии”.
Дзеці паслухаюць казачную гісторыю пра дзіўныя прыгоды маленькага непаседы Пінгві, які вырашыў здзейсніць гераічны ўчынак – спусціцца на самае дно акіяна, каб знайсці марскую зорку для сяброўкі Пеначкі. Апынуўшыся ў небяспецы, дапытлівае пінгвіня ўзгадае ўрокі мудрага настаўніка Пінгвінасімуса і зможа пазбегнуць сустрэчы з марскім леапардам і паўночным буравеснікам.
Дзеці даведаюцца шмат цікавага аб заснежаным свеце далёкай Антарктыкі і яе насельнікаў, адкажуць на “антарктычныя” пытанні і намалююць вясёлых пінгвінят.
Час правядзення: 15.00–16.00.
Наведванне дзіцячага пакоя бясплатнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.