Дата правядзення
У сувязі з нестабільнай эпідэміялагічнай сітуацыяй VII Міжнародны кангрэс “Бібліятэка як феномен культуры”, прысвечаны краіназнаўчай і краязнаўчай тэматыцы, пройдзе 21–22 кастрычніка 2020 г. у змененым фармаце.
Першы дзень кангрэса пройдзе анлайн. Удзельнікам будзе дадзена магчымасць падключэння да відэатрансляцыі выступоўцаў. Пасля відэазапіс мерапрыемства зможа паглядзець любы жадаючы.
У другі дзень кангрэса яго мерапрыемствы будуць праходзіць як у будынку бібліятэкі, так і ў анлайн-фармаце.
Больш падрабязна пра змены ў працы кангрэса можна даведацца з абноўленага інфармацыйнага ліста на партале бібліятэкі.
Праграма і спасылка на вэб-сайт трансляцыі кангрэса будуць дадзены напярэдадні правядзення мерапрыемства.
Запрашаем усіх зацікаўленых да ўдзелу!
Матэрыял пададзены Інфармацыйным цэнтрам.