Дата правядзення
Час правядзення
Месца правядзення
8 лютага дзіцячы пакой запрашае дзяцей 6–8 гадоў на заняткі “Мультчытайка” паводле казкі Усевалада Гаршына “Лягушка-путешественница”.
Юныя ўдзельнікі мерапрыемства разам пачытаюць пра пацешную і летуценную, вельмі цікаўную і вельмі выхвальную Жабку-квакушку і пабачаць яе прыгоды ў яркай кінаказцы.
Павучальна назіраць за ўчынкамі персанажаў, каб навучыцца быць мэтанакіраваным і праўдзівым, знаходлівым і кемлівым, сціплым і цярплівым.
Дапоўняць вобраз казачнай гераіні прыказкі, прымаўкі, гульня-эстафета “Ква-Ква” і створаная ў тэхніцы арыгамі свая дзіўная і непаўторная Жабка-падарожніца.
Час правядзення: 14.30–16.00.
Наведванне заняткаў “Мультчытайка” бясплатнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял прадастаўлены аддзелам запісу і інфармавання карыстальнікаў.