ГалоўнаяМерапрыемствыЭнцыклапедыя. Нацыянальны праект
Майстар-клас "Ёлкіны цацкі – шышкі, мішкі і хлапушкі"
Размова з адвакатам аб правах на адпачынак

Энцыклапедыя. Нацыянальны праект

Энцыклапедыя. Нацыянальны праект
Іншыя мерапрыемствы
17 снежня – 11 лютага
Дата правядзення
10.00–18.00
Час правядзення
музей кнігі (пам. 347)
Месца правядзення

Беларусы адбыліся як нацыя. Пра гэта пераканаўча сведчыць стварэнне беларускай ўніверсальнай энцыклапедыі. Менавіта да яе 50-годдзя прымеркавана выстава “Энцыклапедыя. Нацыянальны праект”, адкрыццё якой адбылося 17 снежня ў музеі кнігі.

“Дзяржаўным народам прызнаецца народ, які мае свае герб, гімн, сцяг, буквар і энцыклапедыю”, – сцвярджаем мы разам з класікам беларускай літаратуры Максімам Танкам. Універсальная энцыклапедыя – сімвал нацыі і дзяржавы. Шматтомныя выданні, на старонках якіх сканцэнтраваны запас ведаў чалавецтва, над якімі працавалі інтэлектуалы, лепшыя навукоўцы свайго часу, станавіліся адметнай з’явай у культурным жыцці кожнай нацыі.

Выстава прадстаўляе гісторыю еўрапейскіх энцыклапедычных выданняў ад антычных часоў да сучаснасці. Сярод іх: правобраз еўрапейскіх універсальных энцыклапедый – “Натуральная гісторыя” Плінія (у ліёнскім выданні ХVI ст.), першая энцыклапедыя сучаснага тыпу, кніжны шэдэўр эпохі Асветніцтва – французская “Энцыклапедыя, ці Тлумачальны слоўнік навук, мастацтваў і рамёстваў” Д. Дзідро (1751–1780), самая аўтарытэтная ўніверсальная энцыклапедыя на англійскай мове – “Брытаніка” (1875–1888), самая паспяховая нямецкая – “Энцыклапедыя Бракгаўза” (1882–1887), універсальныя энцыклапедыі на нацыянальных мовах Польшчы, Чэхіі, Расіі, Украіны (ХIХ–ХХ стст.).

Асобны раздзел выставы знаёміць з гісторыяй узнікнення айчыннага энцыклапедычнага праекта, уключае кірылічныя лексіконы ХVIІ ст., архіўныя матэрыялы і выданні, што адлюстроўваюць першыя спробы стварэння беларускай энцыклапедыі ў 20–30-я і 50-я гг. ХХ ст., а таксама ўнікальныя дакументы, фотаздымкі, працоўныя і творчыя матэрыялы другой паловы ХХ ст. калектыву беларускіх энцыклапедыстаў пад кіраўніцтвам галоўнага рэдактара Петруся Броўкі. У цэнтры экспазіцыі – выданне-юбіляр, першая ў гісторыі беларускага народа ўніверсальная “Беларуская савецкая энцыклапедыя” (БелСЭ, 1969–1975), а таксама нацыянальная ўніверсальная энцыклапедыя суверэннай дзяржавы Рэспубліка Беларусь – “Беларуская энцыклапедыя” (1996–2004).

У дзень адкрыцця на выставачнай пляцоўцы 3-га паверха размешчаны лепшыя кнігі выдавецтва “Беларуская энцыклапедыя імя Петруся Броўкі”, адзначаныя ўзнагародамі нацыянальных і міжнародных конкурсаў.

Экспазіцыя пабудавана на матэрыялах з фондаў Нацыянальнай бібліятэкі Беларусі, выдавецтва “Беларуская энцыклапедыя імя Петруся Броўкі”, Нацыянальнага архіва Рэспублікі Беларусь, Літаратурнага музея Петруся Броўкі (філіяла Дзяржаўнага музея гісторыі беларускай літаратуры).


Выстава “Энцыклапедыя. Нацыянальны праект” будзе працаваць у музеі кнігі да 11 лютага 2020 г. штодзень, акрамя панядзелка і дзяржаўных свят.

Уваход – па чытацкім білеце або білеце сацыякультурнага цэнтра.

Матэрыял прадастаўлены навукова-даследчым аддзелам кнігазнаўства.

Чытайце таксама, як прайшло адкрыццё выставы “Энцыклапедыя. Нацыянальны праект”

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Пяшчотаю прасветленае слова

20.03.2020

З 20 сакавіка па 27 красавіка ў зале беларускай літаратуры (пам. 205) праходзіць выстаўка “Пяшчотаю прасветленае слова”, прысвечаная 100-годдзю з дня нараджэння беларускага паэта Аляксея Васілевіча Пысіна (1920–1981).

Назіранне за сусветным навакольным асяроддзем: надвор’е, клімат, водныя рэсурсы

19.03.2020

З 19 сакавіка па 20 красавіка ў зале дакументаў міжнародных арганізацый (пам. 207g) адкрыта тэматычная выстаўка “Назіранне за сусветным навакольным асяроддзем: надвор’е, клімат, водныя рэсурсы”, прысвечаная Сусветнаму метэаралагічнаму дню і 70-годдзю Сусветнай метэаралагічнай арганізацыі (СМА).

У полі зроку эканаміста: па старонках перыядычных выданняў

02.03.2020

Пазнаёміцца з газетамі і часопісамі па эканоміцы запрашае зала перыядычных выданняў (пам. 106), дзе з 2 сакавіка па 30 красавіка праходзіць тэматычная выстаўка “У полі зроку эканаміста: па старонках перыядычных выданняў”.

Якім быў шлях да Вялікай Перамогі?

17.03.2020

17 сакавіка ў 11.00 у галерэі “Атрыум” (3-ці паверх) пройдзе адкрыццё гісторыка-дакументальнай выставы “Шлях да Перамогі: гістарычныя крыніцы сведчаць”, прымеркаванай да 75-годдзя вызвалення Усходняй Еўропы ад нацызму.

Правобраз еўрапейскай Канстытуцыі

16.03.2020

“Правобраз еўрапейскай Канстытуцыі” – выстава рарытэтаў з Беларусі і Латвіі, прымеркаваная да Дня Канстытуцыі, адкрыецца 16 сакавіка ў музеі кнігі Нацыянальнай бібліятэкі Беларусі.



111