Дата правядзення
Час правядзення
Месца правядзення
28 лютага ў бібліятэцы пройдзе адкрыццё выстаўкі “Хто я?”, на якой будуць прадстаўлены дыпломныя работы навучэнцаў Мінскай дзяржаўнай гімназіі-каледжа.
Выстаўка з'яўляецца асаблівым праектам у серыі мерапрыемстваў, прысвечаных 100-гадоваму юбілею Мінскай дзяржаўнай гімназіі-каледжа мастацтваў. Багатыя традыцыі і высокі ўзровень прафесіяналізму педагогаў зрабілі гэту ўстанову адукацыі адной з лепшых у Беларусі.
Для выканання дыпломных праектаў навучэнцы гімназіі-каледжа актыўна выкарыстоўваюць тэмы сацыяльнай накіраванасці, досыць складаныя і важныя для сучаснай моладзі. Менавіта думка “Я магу зрабіць сам і не толькі для сябе” больш за ўсё натхняе падлеткаў.
Перыяд станаўлення асобы маладога чалавека характарызуецца ярка выяўленай патрэбай быць карысным, адрознівацца ад іншых, жаданнем праверыць свае здольнасці ў рэальнай справе. Гэта своеасаблівы тэст на даросласць. І кожны з падлеткаў хацеў бы годна вытрымаць яго.
Мерапрыемства пачнецца а 16-й гадзіне ў галерэі “Лабірынт” (3-ці паверх).
Азнаёміцца з экпазіцыяй можна да 18 ліпеня 2019 г.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефоны для даведак: (8 017) 266 37 37, 293 28 33, 293 28 81.
Е-mail: pr@nlb.by
Матэрыял падрыхтаваны прадастаўлены аддзелам сувязей з грамадскасцю.
Чытайце таксама аб адкрыцці выстаўкі "Хто я?"
