Інстытут імя Гётэ і Універсітэт сродкаў масавай камунікацыі ў Штутгарце запрашаюць прыняць удзел у Міжнароднай летняй школе для спецыялістаў бібліятэчнай справы (узрост удзельнікаў – да 40 гадоў).
Летняя школа пройдзе з 23 па 28 ліпеня 2018 года ва Універсітэце сродкаў масавай камунікацыі ў Германіі.
Тэма летняй школы – “Сацыяльна актыўныя, інавацыйныя, даступныя для ўсіх: бібліятэкі будучыні робяць унёсак у выкананне праграмы Арганізацыі Аб'яднаных Нацый на 2030 год”. У межах летняй школы будуць разглядацца мэты ўстойлівага развіцця ААН і ўнёсак бібліятэк у іх рэалізацыю.
Заняткі праводзяцца на англійскай мове.
Падаваць заяўкі на атрыманне стыпендый (фінансаванне ўдзелу ў праграме за кошт Інстытута імя Гётэ) могуць бібліятэкары з Беларусі, а таксама краін Усходняй Еўропы і Цэнтральнай Азіі, Блізкага Усходу і Паўночнай Афрыкі.
Фармуляр заяўкі трэба адправіць да 10 сакавіка 2018 года на адрас: Alexander.Nasartschuk@goethe.de
Больш падрабязная інфармацыя ў дадатку, а таксама на сайце Інстытута імя Гётэ ў Мінску.