У сталічнай кнігарні “Светач” адбылася сустрэча з Андрэем Янушкевічам.
Размова ішла пра кнігу “Вядзьмар, які рабіўся ваўком”, яе атмасферных казках. На 120 старонках – трыццаць беларускіх чарадзейных казак і паданняў з розных куткоў Беларусі, запісаныя ў канцы XIX – пачатку XX стагоддзя, а цяпер наноў адабраныя і апрацаваныя. Некаторыя з гэтых гісторый усім вядомыя, а іншыя, наадварот, рэдка траплялі ў выданні для шырокага чытача.
Амаль у кожнай казкі свая непаўторная ілюстрацыя. Кніга “Вядзьмар, які рабіўся ваўком” цудоўна аздоблена вядомым мастаком Валерыем Слауком. Ён таксама прысутнічаў на прэзентацыі выдання і падзяліўся сваімі ўражаннямі.
Укладальнік – унук вядомага беларускага пісьменніка Янкі Брыля –прысутнічаў на сустрэчы віртуальна.
Крыніца: Беларускае радыё “Культура”