Аўдыёпрэзентацыя дыска «Галасы Уладзімера Караткевіча, Ларысы Геніюш, Рыгора Барадуліна. 1968» адбудзецца 8 красавіка ў мінскай кнігарні «Акадэмкніга».
У імпрэзе прымуць удзел аўтары праекта паэты Глеб Лабадзенка і Сяргей Панізнік. Кожны, хто прыйдзе на прэзентацыю, атрымае унікальную магчымасць пачуць галасы беларускіх класікаў, набыць дыск і падпісаць яго ў Сяргея Панізніка.
Дыск «Галасы Уладзімера Караткевіча, Ларысы Геніюш, Рыгора Барадуліна. 1968 год» выйшаў у свет 1 красавіка, на ім змешчаны унікальныя архіўныя запісы ў аўтарскім выкананні: 5 вершаў і 3 песні Уладзіміра Караткевіча, 7 вершаў Ларысы Геніюш, 7 вершаў Рыгора Барадуліна, а таксама 8-хвілінны расповед Сяргея Панізніка пра тое, як запісваліся гэтыя галасы.
Крыніца: Naviny.by