ГалоўнаяНавіныНавіны бібліятэк
ХV Міжнародныя кнігазнаўчыя чытанні
Заняткі для будучых следчых і экспертаў

Прэзентацыя факсімільнага выдання першага "Буквара" ў Брэсце

Прэзентацыя факсімільнага выдання першага "Буквара" ў Брэсце
Іншыя навіны

17 снежня 2018 г. у Брэсцкай абласной бібліятэцы імя М. Горкага адбылася прэзентацыя факсімільнага выдання першага “Буквара”. Кніга была выдадзена ў 1618 годзе ў друкарні Віленскага праваслаўнага брацтва Святога Духа ў Еўі. Па наяўных сведках у свеце захаваліся толькі два асобнікі выдання.

Аб з’яўленні першага падручніка граматы на беларускіх землях і міжнародным навукова-выдавецкім праекце, вынікам якога з’явілася выданне факсіміле “Буквара”, распавёў ініцыятар праекта, старшыня Міжнароднай асацыяцыі беларусістаў, намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандр Аляксандравіч Суша.

Дырэктар Бібліятэкі Алена Якаўлеўна Стрыжэвіч павітала і павіншавала прысутных з паспяховай рэалізацыяй значнага культурна-асветніцкага праекта Нацыянальнай бібліятэкі Беларусі.

У ходзе мерапрыемства адбылася прэзентацыя кніжнай выставы “Напісанае застанецца”, падрыхтаваная супрацоўнікамі аддзела абанемента Бібліятэкі. Экспазіцыя дазволіла здзейсніць невялікі экскурс у гісторыю кнігадрукавання Беларусі і беларускай кніжнасці ў цэлым.

У раздзеле экспазіцыі “Вытокі беларускай кніжнасці” дэманстраваліся фундаментальныя выданні па гісторыі беларускай кнігі: “Чатырохсотлецьце беларускага друка, 1525–1925” (1926), факсімільнае выданне В. Ластоўскага “Гісторыя беларускай (крыўскай) кнігі” (1926 г.) і інш. Увагу прысутных прыцягнулі матэрыялы аб дзейнасці беларускіх друкарняў XVI ст. (Брэсцкай, Нясвіжскай, Заблудаўскай і інш.) і факсіміле рукапісных і друкаваных кніжных помнікаў Беларусі “Тураўскае Евангелле: факсімільнае ўзнаўленне, даследаванні”, “Житие блаженной Евфросинии, игумении монастыря Вседержителя Святого Спаса во граде Полоцке”, “Баркалабаўскі летапіс”, “Biblia Święta to jest Księgi Starego i Nowego Zakonu. Brest 1563” і інш.

Выданні раздзела “Адкуль ёсць пайшоў буквар” дазволілі прасачыць гісторыю ўзнікнення і развіцця вучэбнай літаратуры, у т.л. і буквара. У экспазіцыі дэманстраваліся кнігі: “Іван Фёдараў першадрукар” (1935), факсіміле Віленскага выдання “Буквар мовы славянскай: дапаможнік для тых, хто навучаецца чытанню і пісьму” (1767), Клышка А. “Буквар” (1975).

У рамках мерапрыемства адбылася цырымонія перадачы “Буквара” прадстаўнікам устаноў культуры і адукацыі, духавенства. У іх ліку цэнтральныя раённыя і гарадскія бібліятэкі сістэмы Міністэрства культуры Рэспублікі Беларусь, бібліятэкі ўніверсітэтаў, музеі, а таксама прадстаўнікі Брэсцкай і Пінскай епархіі Беларускай Праваслаўнай Царквы і Пінскай епархіі Рымска-Каталіцкага Касцёла ў Беларусі.

Жывы водгук у прысутных выклікалі выступленні навучэнцаў сярэдніх школ № 13 і № 7 г. Брэста. У іх выкананні прагучалі вершы і песні беларускіх аўтараў.

Крыніца: Брэсцкая абласная бібліятэка імя М. Горкага

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111