Акцыя адбудзецца 3 лістапада ў БДУ а 12-й гадзіне.
“Коласаўскі марафон” прымеркавана да 140-гадовага юбілею з дня нараджэння народнага паэта Беларусі. Мерапрыемства накіравана на папулярызацыю беларускай культуры, захаванне і развіццё нацыянальных літаратурных традыцый.
На працягу шасці з паловай гадзін удзельнікі флэшмобу будуць перадаваць эстафету адзін аднаму ў чытанні галоўнага твора Якуба Коласа “Новая зямля”. Урыўкі з паэмы агучаць студэнты, выкладчыкі і супрацоўнікі ВНУ. Мяркуецца, што за вызначаны час удзельнікі прачытаюць паэму поўнасцю.
Асаблівасцю флэшмобу стане яго наўпроставая анлайн-трансляцыя на Youtube-канале.
Арганізатарам флэшмобу выступае Фундаментальная бібліятэка БДУ.
Крыніца: БДУ
