ГалоўнаяНавіныНавіны бібліятэк
Прэмія EIFL за актыўнае выкарыстанне інавацыйных бібліятэчных сэрвісаў
Кніжная культура праваслаўнай царквы ў Беларусі

Дзеля “мовы нашчадкаў маіх”

Дзеля “мовы нашчадкаў маіх”
Іншыя навіны

Ілюстраваны слоўнік беларускай мовы для дашкольнікаў і малодшых школьнікаў “Чую, бачу, гавару” выйшаў у выдавецтве “Асар” якраз напярэдадні навучальнага года.


Яго аўтар – пісьменнік, мовазнавец, знаны букварыст, заслужаны работнік культуры Рэспублікі Беларусь Анатоль Клышка.Вялікія старонкі і выдатныя малюнкі мастакоў М. Казлова і Н. Суставай, адзначаныя дыпломам “За лепшае выданне года” па выніках ХLІV Рэспубліканскага конкурсу “Мастацтва кнігі”.

Гартаем старонкі. Вось яно, дзіця, дома, і гэтыя беларускія словы напісаны на малюнках усіх пакаёвых рэчаў – на стале, крэсле, канапе, акне, шыбе, на падаконніку. Тут словы вітанні і развітанні, звароты ветлівасці, здаецца, на ўсе выпадкі жыцця. Гартаем старонку за старонкай, і ўсюды россып родных слоў. Што ні прадмет – на ім роднае слова. Прыходзіш ва ўніверсам – і там вочы разбягаюцца ад ежы, пітва і, вядома, ад ласункаў. Заходзіш на пошту, і там свае словы. А такіх нагод-сустрэч з рознымі абставінамі жыцця ў кнізе аж 66! Дзіця атрымае сапраўдную асалоду ад сустрэчы з роднай беларускай мовай.

Як прыгожа ў гэтым слоўніку любяць нашы словы, сваю маму: мама, мамачка, матуля, матулька, матулечка. Не ў крыўду нямецкай ці англійскай, дзе ўсяго пару суфіксаў, а шчодра, бо ў нас шмат суфіксаў ёсць на выбар. Скажам: тата, татка, татачка, татуля, татулька, татулечка. І гэтак жа радасна бягуць нашы беларускія словы “з абдымкамі” суфіксаў да сваіх дзеда, бабы...

А як прыгожа па-беларуску падаюць свой голас нашы птушкі! Толькі паслухайце: салавей цёхкае, верабей чылікае, бусел клякоча, зязюля кукуе, журавель курлыкае, шпак свішча, сініца цінькае...

А як не даць разам з дзіцем волі лёгкай фантазіі. “Пра што мараць звяры?” Ды, пэўна ж, “бабёр пра электрапілу”, “вавёрка пра абцугі для арэхаў”, “крот пра землярыйную машыну”, а заяц “аб ракеце, каб уцякаць ад лісы”. Чаму б сапраўды часам і не пажартаваць?

Ёсць у кнізе вельмі патрэбныя “засцярогі пры навальніцы”, вартыя ўвагі не толькі малых, але і іх татаў і матуль. Хоць бы такія: “Не хавайся пад высокае дрэва. Не купайся ў рацэ, возеры... На роўным адкрытым месцы не стой, а ляж... Калі ты ў легкавой машыне, не выходзь з яе”.

Красамоўна, з подпісам пад малюнкамі падаюцца такія паняцці, як маладзік, падпоўнік, поўнік і ветах, і тлумачацца квадры месяца: “Падпоўнік – першая квадра. Поўнік, поўня. Ветах, апошняя квадра”.

А далей наша слаўная мінуўшчына: “Старыя замкі Беларусі” (Наваградскі, Крэўскі, Мірскі, Нясвіжскі), “Народнае адзенне”, “Нашы арнаменты”, добрая згадка пра талаку – форму сялянскай узаемадапамогі, калі нашы продкі грамадою ішлі на падмогу суседзям. Нашы народныя святы. І ў заключэнне – палітычная карта “Беларусь і яе суседзі”.

І праз усю кнігу быццам падсвядома гучыць: “Любі, шануй, дарагі малеча, гэтае роднае слова, багатае, шчодрае на думку, колер, пах, смак... Каб і ты ўздыхнуў і прамовіў: «Чую, бачу, гавару»”...

Публікацыя Генадзя Шэршня.

Крыніца: газета “Звязда”

Навіны

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

#BelBookChallenge 2020 – на старт!

27 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

111