Запрашаем 24 сакавіка дзетак 5–8 гадоў і іх бацькоў у музей кнігі на заняткі па тэме “Рукапісная кніга”.
У старажытныя часы кніга была зусім не падобная да сучаснай. На занятках дзеткі дазнаюцца пра асноўныя формы кнігі, а таксама пра матэрыялы, якія даўней выкарыстоўваліся для пісьма.
Ці цяжкая праца рукапісца? Чым і на чым пісалі ў даўніну? На гэтыя і іншыя пытанні дапытлівыя наведвальнікі атрымаюць адказы.
Дзеткі створаць сваё ўнікальнае пяро і “ператворацца” ў рукапісцаў.
Заняткі праводзяцца ў даступнай і займальнай форме. Пазнанне разнастайнасці кніжнай культуры адбываецца праз дыялог, гульні і творчасць.
Пачатак – 18.00.
Працягласць – 60 хвілін.
Кошт заняткаў з матэрыялам для творчага задання – 2.93 (два рублі дзевяноста тры капейкі).
Чакаем усіх у музеі кнігі Нацыянальнай бібліятэкі Беларусі!
Будзьма святкаваць значны юбілей – 500-годдзе беларускага кнігадрукавання разам!
Кантактныя тэлефоны: (8 017) 293 27 82, (8 025) 994 21 12.