Нацыянальная бібліятэка Беларусі рыхтуе да выхаду 2-гі выпуск штогадовага навукова-практычнага зборніка з працягам "Бібліятэчны веснік".
Запрашаем да супрацоўніцтва спецыялістаў у галіне бібліятэчнай справы, інфармацыйных тэхналогій і сумежных галін, якія забяспечваюць функцыянаванне бібліятэк, а таксама выкладчыкаў, аспірантаў і магістрантаў, кіраўнікоў органаў кіравання культуры.
Да публікацыі ў зборніку прымаюцца артыкулы, прысвечаныя пытанням заканадаўчага і нарматыўна-рэгламентавальнага забеспячэння бібліятэчнай справы, фарміравання інфармацыйных рэсурсаў і арганізацыі доступу да іх, захавання фондаў, арганізацыі бібліятэчна-інфармацыйнага і сацыякультурнага абслугоўвання карыстальнікаў, ужывання сучасных тэхналогій у бібліятэчнай дзейнасці, правядзення і каардынацыі навуковых даследаванняў, арганізацыі кіравання дзейнасцю бібліятэк, прафесіяналізацыі бібліятэчных кадраў Беларусі і г.д.
Да публікацыі ў зборніку прымаюцца навуковыя працы, выкананыя самастойна, якія маюць навуковы характар і адрозніваюцца навізной прадстаўленых у іх навуковых рэзультатаў, аформленыя з захаваннем усталяваных патрабаванняў. Апублікаванню ў зборніку падлягаюць толькі арыгінальныя артыкулы, якія раней не публікаваліся ў іншых выданнях.
Навуковыя артыкулы, прадстаўленыя для публікацыі ў зборніку, рэцэнзуюцца дактарамі або кандыдатамі навук, назначанымі рэдкалегіяй.
Публікацыя артыкулаў у зборніку бясплатная для аўтараў. Ганарар за артыкулы, якія публікуюцца, аўтарам не выплачваецца.
Анкету-заяўку на ўдзел у зборніку, друкаваны і электронны варыянты артыкула неабходна падаць не пазней за 25 красавіка 2010 года на адрас рэдакцыі (e-mail: kiryukhina@nlb.by; aleynik@nlb.by).
Анкета-заяўка павінна ўключаць звесткі аб аўтары: прозвішча, імя, імя па бацьку (цалкам), месца працы і (або) вучобы аўтара (поўная назва арганізацыі), пасада, навуковая ступень і званне, назву артыкула, кантактны тэлефон, e-mail.
Аб’ём артыкула – да 10 поўных старонак фармату А4, надрукаваных праз 1 інтэрвал, шрыфт Times New Roman, кегель 14 пт. Рабочыя мовы – беларуская, руская. Спіс выкарыстаных крыніц афармляецца ў адпаведнасці з ДАСТ 7.1-2003 "Бібліяграфічны запіс. Бібліяграфічнае апісанне", размяшчаецца ў канцы тэксту, спасылкі нумаруюцца паводле парадку цытавання ў тэксце, парадкавыя нумары спасылак паказваюцца ў сярэдзіне квадратных дужак (напрыклад: [1, с. 23], [2]). Да артыкула прыкладаецца рэзюмэ на рускай і англійскай мовах. Ілюстрацыі падаюцца ў рэдакцыю ў электроннай форме ў файлах фарматаў tiff, jpeg, gif, bmp, png з дазволам 300 dpi.
Парадак фарміравання зборніка і асноўныя патрабаванні да матэрыялаў, якія публікуюцца, прадстаўлены ў Палажэнні аб навукова-практычным зборніку "Бібліятэчны веснік"
Адрас: Нацыянальная бібліятэка Беларусі,
навукова-даследчы аддзел бібліятэказнаўства,
прасп. Незалежнасці, 116,
220114, г. Мінск, Рэспубліка Беларусь.
E-mail:
kiryukhina@nlb.by
aleynik@nlb.by
Кантактныя тэлефоны:
(+375-17) 293-25-00 (Кірухіна Людміла Генадзьеўна, намеснік дырэктара па навуковай рабоце і сувязях з грамадскасцю);
(+375-17) 293-27-61 (Алейнік Марына Георгіеўна, загадчыца навукова-даследчага аддзела бібліятэказнаўства).
