Музей кнігі запрашае школьнікаў актыўна спазнаваць выстаўку “Буквары народаў свету” на музейных занятках.
Эксклюзіўныя заняткі прымеркаваны да знамянальнай даты – 400-годдзя выдання першай у свеце кнігі пад назвай “Буквар”, якая была падрыхтавана нашымі продкамі.
На занятках школьнікі не толькі ўбачаць на выстаўцы “Буквары народаў свету” каля 1 400 буквароў на 587 мовах самых розных народаў, але і атрымаюць адказы на пытанні: па якіх кнігах вучыліся нашы продкі? хто стаяў ля вытокаў першай спецыяльнай кнігі для навучання грамаце? на чым пісалі вучні ў даўнія часы? калі ўзнікла слова “буквар”, так добра знаёмае сённяшнім школьнікам? хто з'яўляецца ўладальнікам найвялікшай калекцыі буквароў у свеце?
Творчыя заданні дапамогуць лёгка засвоіць тэму. Школьнікі павучацца пісаць літары стараславянскага алфавіта на васковых таблічках, а яшчэ кожны з іх зробіць сваю аб’ёмную каляровую літару сучаснага беларускага алфавіта.
Працягласць – 60 хвілін.
Кошт заняткаў з матэрыяламі для творчага задання: 4 руб. 50 кап.
Тэлефоны для даведак і запісу: (8 017) 293 27 82, (8 044) 579 39 07, (8 025) 994 21 12.
На фота: вучні 2 “Б” класа школы № 198 г. Мінска пасля музейных заняткаў “Буквары народаў свету” 3 мая 2018 г.