Хто не любіць навагоднія агні? Яркія і бліскучыя, яны ствараюць атмасферу надыходзячага цуда!
Для святочнага настрою Нацыянальная бібліятэка Беларусі падрыхтавала свае захапляльныя графічныя малюнкі і займальныя загадкі, якія транслююцца на фасадзе будынка.
Па-сапраўднаму казачныя каляровыя эфекты зацікавяць і дзетак, і дарослых. Для ўзняцця настрою мы прапануем паназіраць за маляўнічым “алмазам ведаў” і паспрабаваць адгадаць цікавыя загадкі. Калі быць асабліва ўважлівым, амаль адразу можна будзе знайсці сімвалічныя адказы!
Запрашаем акунуцца ў святочную атмасферу з 21 да 31 снежня (7:00–8:30, 21:00–24:00).
З надыходзячым Новым годам!
Тэлефон для даведак: (8 017) 293 28 81.
Матэрыял пададзены аддзелам сувязей з грамадскасцю.
