21 лютага ў дзіцячым пакоі прайшла літаратурная гадзіна “Юны эрудыт”.
Падчас мерапрыемства дзеці пазнаёміліся з кнігамі займальнай серыі “Маленькі прафесар”. Чытаючы іх, яны даведаліся пра тое, як даследаваўся космас, хто стварыў першы аўтамабіль, якія лятальныя апараты першымі падняліся ў неба, у якой краіне былі прыдуманы макароны, а таксама пра мноства іншых адкрыццяў і вынаходак, якія змянілі жыццё чалавецтва.
Дзеці дружна адказалі на пытанні віктарыны “Мы ў Сусвеце”, узялі актыўны ўдзел у захапляльным заалагічным лато пра жывёльны свет нашай планеты, з творчым азартам паказалі без слоў самых цікавых жывёл у гульні “Угадай, каго я паказваю”.
Свет пазнавальнай літаратуры падарыў дзецям не толькі веды, але і добры настрой.
Чытайце таксама пра іншыя мерапрыемствы, якія адбываюцца ў дзіцячым пакоі бібліятэкі.
Тэлефон для даведак: (8 017) 293 25 34.