ГалоўнаяНавіныНавіны Нацыянальнай бібліятэкі Беларусі
Глядзіце фотаздымкі з XIV Міжнародных кнігазнаўчых чытанняў
Роля сям'і ў сучасным свеце

Выдадзены зборнік матэрыялаў ХІV Міжнародных кнігазнаўчых чытанняў

Выдадзены зборнік матэрыялаў ХІV Міжнародных кнігазнаўчых чытанняў
Іншыя навіны

Нацыянальная бібліятэка Беларусі падрыхтавала і выдала зборнік матэрыялаў ХІV Міжнародных кнігазнаўчых чытанняў, якія былі прымеркаваны да 400-годдзя першага “Буквара” і праходзілі 26–27 красавіка 2018 г.

Сёлетняя канферэнцыя стала добрым працягам існуючай традыцыі і сабрала зацікаўленых вучоных з Азербайджана, Беларусі, Вялікабрытаніі, Латвіі, Літвы, Польшчы, Расіі і Украіны. Арганізатарамі мерапрыемства з’яўляліся Міністэрства культуры Рэспублікі Беларусь і Нацыянальная бібліятэка Беларусі. Суарганізатарамі выступілі Беларускі дзяржаўны педагагічны ўніверсітэт імя М. Танка і Нацыянальны інстытут адукацыі.

У зборніку публікуюцца даклады вядомых даследчыкаў і спецыялістаў нацыянальных і найбуйнейшых бібліятэк, музеяў, архіваў, навукова-даследчых устаноў Беларусі і замежных краін, прысвечаныя гісторыі і сучаснаму стану нацыянальнай кніжнай культуры, развіццю асветніцкіх традыцый Беларусі.

Структура зборніка адлюстроўвае разнастайнасць тэм, якія абмяркоўваліся на канферэнцыі і складаецца з раздзелаў:

  • “Буквар і асветніцкія традыцыі Беларусі”
  • “Навучанне грамаце і беларуская букварыстыка”
  • “Рукапісная і друкаваная кніга XVI–XVIII стст. у айчынных і замежных зборах”
  • “Беларуская кніга ХIХ–ХХ стст.”
  • “Гістарычныя кнігазборы і развіццё бібліятэчнай справы Беларусі”
  • “Мастацкае афармленне рукапіснай і друкаванай кнігі”

Даклады, якія прагучалі падчас ХІV Міжнародных кнігазнаўчых чытанняў, выкананы на высокім навуковым узроўні, вызначаліся актуальнасцю, навізной падыходаў да вырашэння пастаўленых навуковых праблем. У рабоце канферэнцыі бралі ўдзел як вядомыя вучоныя, так і маладыя даследчыкі. Разгледжаныя ў дакладах пытанні маюць вялікае навуковае і прыкладное значэнне.

Матэрыялы зборніка будуць карыснымі для даследчыкаў кніжнай культуры, педагогаў, гісторыкаў, філолагаў, культуролагаў і ўсіх, хто цікавіцца мінулым і сучаснасцю інтэлектуальнай традыцыі ў Беларусі.

Зборнік “Матэрыялы ХІV Міжнародных кнігазнаўчых чытанняў, прымеркаваных да 400-годдзя першага «Буквара», Мінск, 26–27 красавіка 2018 г.” можна набыць па падпісцы альбо купіць у кіёску бібліятэкі, размешчаным на 1-м паверсе каля галоўнага ўвахода.
Навіны

Семінар-практыкум “Кітабы – унікальныя помнікі рукапіснай кніжнасці”

9 Сне 2019

4 снежня адбыліся чарговыя заняткі ў межах семінара-практыкуму “Кітабы – унікальныя помнікі рукапіснай кніжнасці”. Сустрэча была прысвечаная гісторыі вывучэння кітабаў. Кітабамі называюць рукапісныя кнігі, якія ствараліся на працягу стагоддзяў прадстаўнікамі адной з этнаканфесійных груп Беларусі – беларускімі татарамі.

Навіны Нацыянальнай бібліятэкі Беларусі

Падведзены вынікі працы сістэмы карпаратыўнай каталагізацыі бібліятэк Беларусі за 2019 г.

6 Сне 2019

5 снежня на базе Нацыянальнай бібліятэкі Беларусі адбылося пасяджэнне Тэхналагічнага камітэта сістэмы карпаратыўнай каталагізацы бібліятэк Беларусі.

Навіны Нацыянальнай бібліятэкі Беларусі

Лекцыя аб сучасным беларускім канцэртна-выканальніцкім мастацтве

6 Сне 2019

5 снежня адбылася чарговая сустрэча ў межах цыкла “Беларуская музыка ў сусветнай мастацкай прасторы”. З сучасным беларускім канцэртна-выканальніцкім мастацтвам слухачоў пазнаёміла кандыдат мастацтвазнаўства, старшы навуковы супрацоўнік Інстытута мастацтвазнаўства, этнаграфіі і фальклору імя К. Крапівы Ірына Леанідаўна Гарбушына.

Навіны Нацыянальнай бібліятэкі Беларусі

6 Сне 2019

Да Рэгіянальнага зводнага каталога бібліятэк Брэсцкай вобласці далучыліся дзяржаўная ўстанова культуры “Маларыцкая раённая цэнтралізаваная бібліятэчная сістэма” і дзяржаўная ўстанова культуры “Жабінкаўская раённая цэнтралізаваная бібліятэчная сістэма”.

Навіны Нацыянальнай бібліятэкі Беларусі

Дамалюй працяг: выйшла другая частка дзіцячага комікса “Не для чужых вачэй”

6 Сне 2019

Выйшаў працяг прыгодніцкага комікса, выпушчанага ў падтрымку дабрачыннага праекта Беларускага дзіцячага фонду і кампаніі А1 “Я бачу!”. З 4 снежня другую частку гісторыі пра школьнікаў, іншапланецян і незвычайныя акуляры можна атрымаць у падарунак у кнігарнях Мінска і Віцебска.

Навіны бібліятэк

111