30 студзеня а 16-й гадзіне ў галерэі “Лабірынт” (3-ці паверх) адбудзецца літаратурна-творчая сустрэча “Вялікі талент, вялікая работа, вялікае сэрца”.
Сустрэча ладзіцца ў рамках адкрыцця кніжна-ілюстрацыйнай выстаўкі, прысвечанай лаўрэатам прэміі “За духоўнае адраджэнне” і спецыяльнай прэміі Прэзідэнта Рэспублікі Беларусь дзеячам культуры і мастацтва 2013 года.
Каб падкрэсліць грамадскую значнасць падзеі і павіншаваць тых, хто ўносіць свой уклад у высакародную справу – умацаванне духоўных каштоўнасцей, маральных традыцый, ідэй чалавекалюбства і міласэрнасці, штогод Нацыянальная бібліятэка Беларусі арганізуе кніжна-ілюстрацыйную выстаўку і праводзіць літаратурна-творчую сустрэчу Вялікі талент, вялікая работа, вялікае сэрца» з удзелам лаўрэатаў прэміі ”За духоўнае адраджэнне” і спецыяльнай прэміі Прэзідэнта Рэспублікі Беларусь дзеячам культуры і мастацтва.
Сёлета на выстаўцы будуць прадстаўлены шматлікія матэрыялы з розных калекцый бібліятэкі аб усіх лаўрэатах, якія сваім мастацтвам і плённай працай славяць родную Беларусь. Гэта кнігі, выяўленчыя матэрыялы, перыядычныя выданні.
Пасля мерапрыемства экспазіцыя, прысвечаная лаўрэатам, размесціцца на другім паверсе бібліятэкі, дзе яе можна будзе наведаць з 4 лютага па 3 сакавіка 2014 года.
Тэлефоны для даведак: (8 017) 293 27 56, 293 79 80.
Е-mail: pr@nlb.by