7 кастрычніка 2009 года Нацыянальную бібліятэку Беларусі наведалі прадстаўнікі Пастаяннай камісіі ПА АДКБ па пытаннях абароны і бяспекі.
Візіт прайшоў у рамках правядзення ў Рэспубліцы Беларусь выязнога пасяджэння Пастаяннай камісіі ПА АДКБ па пытаннях абароны і бяспекі.
Госці пазнаёміліся з дзейнасцю бібліятэкі, архітэктурна-канструкцыйнымі асаблівасцямі яе будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў.
У музеі кнігі ўвазе дэлегацыі была прадстаўлена калекцыя рарытэтных выданняў з фондаў Нацыянальнай бібліятэкі Беларусі. Напрыканцы экскурсіі госці падняліся на аглядную пляцоўку будынка, адкуль ім адкрыўся маляўнічы пейзаж сталіцы і наваколля.
 |
 |
