29 чэрвеня 2009 года ў рамках афіцыйнага візіту ў нашу краіну Нацыянальную бібліятэку Беларусі наведала дэлегацыя Вярхоўнай Рады Украіны на чале з яе старшынёй У.М. Ліцвінам.
Для прадстаўнікоў дэлегацыі была праведзена экскурсія па будынку Нацыянальнай бібліятэкі Беларусі, у ходзе якой яны даведаліся пра гісторыю бібліятэкі, яе інфармацыйныя рэсурсы, тэхнічнае і тэхналагічнае абсталяванне.
Госці пазнаёміліся з архітэктурнымі асаблівасцямі будынка, яго мастацкім афармленнем, работай бібліятэкі па абслугоўванні чытачоў, сацыякультурнай дзейнасцю. У музеі кнігі старшыня Вярхоўнай Рады Украіны пакінуў памятны запіс у Кнізе ганаровых гасцей: “Уражаны ад скарбніцы інтэлекту. Шчыра жадаю і надалей сіяць разумна, добра і вечна. Поспехаў…”.
Напрыканцы экскурсіі госці мелі магчымасць палюбавацца прыгажосцю сталіцы з агляднай пляцоўкі бібліятэкі.