5 кастрычніка ў рамках афіцыйнага візіту ў Рэспубліку Беларусь Нацыянальную бібліятэку Беларусі наведала дэлегацыя групы дружбы і супрацоўніцтва Маджлісі мілі Маджлісі Олі Рэспублікі Таджыкістан.
Дэлегацыю ўзначальваў старшыня Камісіі Маджлісі мілі Маджлісі Олі Рэспублікі Таджыкістан па кантролі за рэгламентам, кіраўнік групы дружбы і супрацоўніцтва Маджлісі мілі Маджлісі Олі Рэспублікі Таджыкістан па супрацоўніцтве з Саветам Рэспублікі Нацыянальнага сходу Рэспублікі Беларусь Хайрулоеў Сайдуло Хайрулоевіч.
У Нацыянальнай бібліятэцы Беларусі гасцей сустракаў дырэктар Раман Матульскі. Для членаў дэлегацыі была арганізавана аглядная экскурсія, падчас якой яны азнаёміліся з работай бібліятэкі, архітэктурна-канструкцыйнымі асаблівасцямі яе будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў. Экскурсія прадоўжылася на адкрытай агляднай пляцоўцы бібліятэкі, адкуль адкрываецца маляўнічы від на сталіцу і наваколле.
У музеі кнігі ўвазе гасцей была прадстаўлена калекцыя рарытэтных выданняў з фондаў Нацыянальнай бібліятэкі Беларусі. Спадар Хайрулоеў Сайдуло Хайрулоевіч пакінуў памятны запіс у Кнізе ганаровых гасцей.
 |
 |
|
 |
 |
