13 сакавіка ў бібліятэцы адбылася ўрачыстая цырымонія ўручэння пашпартоў і членскіх білетаў ГА “БРСМ” лепшым прадстаўнікам навучэнскай моладзі Першамайскага раёна ў рамках Усебеларускай акцыі “Мы – грамадзяне Рэспублікі Беларусь”.
Цырымонія традыцыйна прымеркавана да Дня Канстытуцыі Рэспублікі Беларусь. Мэта акцыі – павышэнне значнасці паняцця “грамадзянін” у свядомасці маладых людзей, якія атрымліваюць пашпарт Рэспублікі Беларусь, прыцягненне ўвагі дзяржаўных органаў і грамадскіх арганізацый да пытанняў грамадзянска-патрыятычнага выхавання моладзі.
З урачыстай прамовай перад юнымі грамадзянамі выступіў кіраўнік адміністрацыі Першамайскага раёна Мінска Ігар Кудрэвіч, заклікаючы іх быць законапаслухмянымі і адказнымі за будучыню сваёй краіны. У той жа час ён пажадаў юнакам і дзяўчатам заставацца добрымі, актыўнымі і шчаслівымі.
Пасля ўрачыстага ўручэння пашпартоў і членскіх білетаў для маладых людзей была арганізавана азнаямленчая экскурсія па будынку Нацыянальнай бібліятэкі Беларусі.
 |
 |
 |
 |
 |
