У Нацыянальнай бібліятэцы Беларусі 15 кастрычніка 2009 года прайшоў рэспубліканскі семінар “Універсальная дзесятковая класіфікацыя як сродак індэксавання дакументаў”.
У семінары прынялі ўдзел больш за 70 спецыялістаў з рэспубліканскіх бібліятэк, бібліятэк ВНУ Беларусі, Нацыянальнай кніжнай палаты, Нацыянальнай бібліятэкі Беларусі (НББ).
Семінар падрыхтаваны аддзелам індэксавання дакументаў НББ пры ўдзеле Камітэта па каталагізацыі Беларускай бібліятэчнай асацыяцыі.
Былі прадстаўлены даклады вядучых спецыялістаў НББ, у якіх асветлены метадычныя рашэнні па складаных выпадках індэксавання дакументаў рознай галіновай накіраванасці, дакументаў на замежных мовах.
Зроблены параўнальны аналіз 3-га, 4-га выданняў табліц Універсальнай дзесятковай класіфікацыі (УДК) (друкаваны і электронны варыянты), асветлены пытанні вядзення картачных сістэматычных каталогаў, арганізаваных па сістэме УДК 4-га поўнага выдання на рускай мове. Слухачы пазнаёміліся з фарміраваннем пошукавага вобраза дакумента і рэалізацыяй тэматычнага пошуку ў электронным каталозе НББ па УДК.
З дакладамі выступілі: Пугачова С.А., Сідарэнка А.С., Сіманава Т.А., Бекранёва А.Ф., Кавалеўская Н.І. (1, 2), Алімава Л.У., Кручкова А.М., Лаўрыновіч А.І., Пятроўская З.А.
Акрамя таго, удзельнікам была прадастаўлена магчымасць наведаць аддзелы індэксавання дакументаў, бібліяграфічнай апрацоўкі дакументаў і вядзення нацыянальнай базы даных аўтарытэтных запісаў з мэтай азнаямлення з тэхналогіяй каталагізацыі.
Семінар дазволіў прадстаўнікам беларускай супольнасці каталагізатараў даведацца пра новыя метадычныя распрацоўкі НББ і вядучых расійскіх бібліятэк па прымяненні УДК. Спецыялістам Беларускай сельскагаспадарчай бібліятэкі імя І.С. Лупіновіча Варановіч С.І. была зроблена прэзентацыя базы даных УДК на CD.