ГалоўнаяНавіныНавіны Нацыянальнай бібліятэкі Беларусі
“Трэба дома бываць часцей...”
Жыць як у казцы: з надыходзячым 2019 годам!

Унікальны “Буквар” прэзентаваны ў Віцебску

Унікальны “Буквар” прэзентаваны ў Віцебску
Іншыя навіны

У цёплай атмасферы калядных свят у Віцебскай абласной бібліятэцы прайшла прэзентацыя факсімільнага ўзнаўлення першага беларускага “Буквара”.

На імпрэзу прыбылі прадстаўнікі ўстаноў культуры, асветы і адукацыі Віцебска. Пра даследаванне каштоўнага помніка беларускай кніжнай культуры распавёў намеснік дырэктара Нацыянальнай бібліятэкі Беларусі Алесь Суша:

– Буквар – кніга сімвалічная, ясная, яркая і, ў пэўным сэнсе, святая для нас. З яе ўсе пачынаюць свой жыццёвы шлях. Буквар часта ставяць поруч з Бібліяй, якая задае каштоўнасныя арыенціры ў душы чалавека, і з Канстытуцыяй, якая вызначае дзяржаўныя прыярытэты, – сказаў Алесь Аляксандравіч. – У навучальным працэсе даўняй Беларусі духоўны складнік дамінаваў. Усе навучальныя выданні былі арыентаваны на замацаванне ў маладым чалавеку хрысціянскай маральнасці, адказнасці, адпаведнасці этычным нормам, адлюстраваным у тэкстах Святога Пісання.

Кніга, па якой вучыліся славянскай грамаце, пачыналася з малітвы. Выданне было ўпрыгожана выявай герба вядомага дзеяча Вялікага Княства Літоўскага і апекуна праваслаўя Багдана Агінскага, які заснаваў брацкую школу ў Вільні. На яго сродкі выйшла першая ў свеце кніга пад назвай “Буквар”.

Ва ўрачыстай абстаноўцы выданне было перададзена ў Віцебскі дзяржаўны педагагічны ўніверсітэт імя П.М. Машэрава, Віцебскі медыцынскі інстытут і дзяржаўную ветэрынарную акадэмію, асобнікі кнігі былі ўручаны Віцебскай абласной бібліятэцы.

– Калі ў фонд бібліятэкі трапляюць такія каштоўныя выданні, як факсімільнае ўзнаўленне твораў Францішка Скарыны, як Слуцкае і Тураўскае Евангеллі, як “Буквар”, якасць фонду значна ўзрастае, – адзначыла загадчыца бібліятэкі Таццяна Адамян.

Падзяку даследчыкам выказаў старэйшы прарэктар Віцебскай духоўнай семінарыі пратаіерэй Аляксандр Мазалёў, які прыбыў на прэзентацыю разам са студэнтамі.

А.А. Суша нагадаў прысутным, што сёлета Нацыянальнай бібліятэкай быў праведзены шэраг мерапрыемстваў, прысвечаных 400-годдзю першага “Буквара”, – ХIV Міжнародныя кнігазнаўчыя чытанні, выстаўка “Буквары народаў свету”, прэзентацыі факсіміле “Буквара” ў розных гарадах краіны і замежжа.

Аўтар публікацыі і фота: Эла Дзвінская.


Навіны

Віртуальная чытальная зала НББ – юным даследчыкам

24 Лют 2020

21 лютага 2020 г. у сярэдняй школе № 68 г. Мінска прайшла IV Адкрытая рэспубліканская вочна-завочная навукова-практычная канферэнцыя “На карысць Радзімы і чалавека!” з міжнародным удзелам.

Навіны Нацыянальнай бібліятэкі Беларусі

Да 23 лютага гендырэктар бібліятэкі стаў госцем перадачы “Арсенал”

24 Лют 2020

У эфіры тэлеканала ВаенТБ генеральны дырэктар Нацыянальнай бібліятэкі Беларусі Раман Матульскі адказаў на пытанні вядучага аб тым, як выглядае вайна ХХI стагоддзя, у чым прычына гістарычных супярэчнасцей і як знайсці ў зменлівай сістэме каардынатаў пункты апоры.

Навіны Нацыянальнай бібліятэкі Беларусі

23 Лют 2020

Усіх нас можна ўмоўна падзяліць на “чытачоў” і “гледачоў”. Звычайна тыя, хто спачатку прачытаў кнігу, рэдка бываюць задаволены экранізацыяй, маўляў, рэжысёр не передаў і паловы. А “глядач” кажа, што кнігі чытаць – час марнаваць: куды лепш паглядзець фільм. Прапаную параўнаць класічныя творы беларускай літаратуры з іх кінаверсіяй, каб усё ж такі зразумець, з чаго пачаць – з кнігі ці кінастужкі.

Навіны бібліятэк

Памiж iмпрэзай i шапiкам

22 Лют 2020

21 лютага мы адсвяткавалі Дзень роднай мовы. Некалi Вальтэр сказаў: “Усе найгалоўныя замежныя мовы можна вывучыць за шэсць гадоў, але для вывучэння сваёй недастаткова i цэлага жыцця”.

Навіны бібліятэк

111