29 мая 2009 года Нацыянальную бібліятэку Беларусі наведалі навучэнцы прафесійна-тэхнічных вучылішчаў і ўстаноў сярэдняй спецыяльнай адукацыі Рэспублікі Беларусь.
Наведванне Нацыянальнай бібліятэкі Беларусі адбылося ў рамках рэспубліканскага конкурсу “Арт-вакацыі”, прысвечанага 65-й гадавіне вызвалення Беларусі ад нямецка-фашысцкіх захопнікаў і 64-годдзю Перамогі савецкага народа ў Вялікай Айчыннай вайне.
Для гасцей былі арганізаваны аглядныя экскурсіі па Нацыянальнай бібліятэцы. Дзеці (206 чалавек) пазнаёміліся з дзейнасцю бібліятэкі па абслугоўванні чытачоў, яе інфармацыйнымі рэсурсамі, тэхнічным абсталяваннем, даведаліся пра гісторыю бібліятэкі, архітэктурна-будаўнічыя асаблівасці будынка, мастацкае афармленне інтэр’ераў, наведалі музей кнігі.
