ГалоўнаяНавіныНавіны Нацыянальнай бібліятэкі Беларусі
Фотавыстаўка “Мінск з неба”
“Не за сябе душа мая баліць”

Сусветны бібліятэчны і інфармацыйны кангрэс: 82-я Генеральная канферэнцыя ІФЛА

Сусветны бібліятэчны і інфармацыйны кангрэс: 82-я Генеральная канферэнцыя ІФЛА
Іншыя навіны

13–19 жніўня ў г. Калумбусе (ЗША) прайшоў штогадовы Сусветны бібліятэчны і інфармацыйны кангрэс: 82-я Генеральная канферэнцыя ІФЛА.


Тэма канферэнцыі 2016 года – “Вынаходніцтвы і інавацыі”. Традыцыйна тут сабраліся спецыялісты ўсяго свету для абмену ідэямі, вопытам, абмеркавання новых інфармацыйных тэхналогій і дасягненняў у бібліятэчнай справе. У адпаведнасці з праграмай канферэнцыі адбылося звыш 150 пасяджэнняў, на якіх разглядаліся пытанні развіцця лічбавых калекцый, абароны аўтарскіх праў, асаблівасцей развіцця бібліятэк у інфармацыйным грамадстве.

Дырэктар Нацыянальнай бібліятэкі Беларусі Раман Матульскі прыняў удзел у штогадовай нарадзе дырэктараў Нацыянальных бібліятэк (CDNL). Падчас перамоў з кіраўнікамі нацыянальных бібліятэк Польшчы, Літвы і Расіі абмяркоўвалася пытанне, звязанае з вяртаннем помнікаў кніжнай культуры і страчаных кніжных калекцый у лічбавым фармаце. Раман Матульскі запрасіў кіраўнікоў нацыянальных бібліятэк наведаць Беларусь для ўдзелу ў Міжнародным кангрэсе “Бібліятэка як феномен культуры” (кастрычнік 2016 года) і выстаўцы “Францыск Скарына і яго эпоха” (верасень–кастрычнік 2017 года).

Таксама падчас работы кангрэса Раман Матульскі правёў перагаворы з прэзідэнтам ІФЛА Доннай Шыдэр і старшынёй камітэта па генеалогіі і мясцовай гісторыі Бажэнай Расмусен, абмеркаваўшы пытанні супрацоўніцтва ў рамках падрыхтоўкі да святкавання ў 2017 годзе 500-годдзя беларускага і ўсходнеславянскага кнігадрукавання.

Візіт адбыўся пры падтрымцы Пасольства Злучаных Штатаў Амерыкі ў Рэспубліцы Беларусь.

Навіны

Кампетэнтна і падрабязна

21 Ліс 2019

20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.

Навіны Нацыянальнай бібліятэкі Беларусі

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

111