8 верасня ў Нацыянальнай бібліятэцы Беларусі адбылася сустрэча прэзідэнта Рэспублікі Беларусь А. Р. Лукашэнкі з удзельнікамі пасяджэння выканкама Еўрапейскіх алімпійскіх камітэтаў (ЕАК).
У Мінск прыбылі кіраўнікі нацыянальных алімпійскіх камітэтаў 13 краін, а таксама шэраг іншых высокапастаўленых замежных дзеячаў сферы спорту.Перад пачаткам пасяджэння ўдзельнікі ўшанавалі хвілінай маўчання памяць загінуўшых у авіякатастрофе ў Яраслаўскай вобласці членаў расійскага хакейнага клуба “Лакаматыў”.
Падчас сустрэчы ўдзельнікі абмеркавалі пытанні алімпійскага руху, яго ўзаемаадносіны з мясцовымі органамі ўлады, падрыхтоўку да ХХХ летніх Алімпійскіх гульняў – 2012 у Лондане і Генеральнай асамблеі ЕАК.
Асноўнай тэмай пасяджэння стала прапанова аб правядзенні з 2015 года Еўрапейскіх гульняў па алімпійскіх відах спорту. Па словах А. Р. Лукашэнкі, Беларусь будзе змагацца за права стаць іх першай краінай-гаспадыняй. Прэзідэнт прапанаваў таксама разгледзець магчымасць сумеснага правядзення гэтых гульняў некалькімі дзяржавамі.
