Работнікі галоўнай бібліятэкі краіны пабывалі на ўрачыстым закрыцці XXXII Міжнароднага фестывалю мастацтваў “Славянскі базар у Віцебску”.
Прафсаюзным камітэтам было прынята рашэнне заахвоціць супрацоўнікаў Нацыянальнай бібліятэкі квіткамі на гала-канцэрт, які адбыўся 16 ліпеня ў Летнім амфітэатры. Самым відовішчным сталі выступленні ўдзельнікаў конкурсу выканаўцаў эстраднай песні “Віцебск”. На сцэне вырашылася галоўная інтрыга – былі названыя імёны пераможцаў конкурсу маладых выканаўцаў.
Падарункам публіцы стала выступленне запрошаных гасцей: расійскіх спевакоў Дзмітрыя Малікава і Стаса П’ехі, італьянскага спевака Пупа, Тэа і Вольгі Рыжыкавай, Таісіі Павалій, Алёны Пятроўскай, групы “Чынгісхан” і інш.
Віцебск развітаўся з удзельнікамі “Славянскага базару” да наступнага года і чакае новых адкрыццяў.
Матэрыял пададзены прафсаюзным камітэтам.