30 кастрычніка а 16-й гадзіне ў Нацыянальнай бібліятэцы Беларусі адбудзецца прэзентацыя кнігі Віктара Корбута “Минск. Лучший вид на этот город”.
Выданне выйшла ў свет у выдавецкім доме “Звязда” з нагоды Дня горада Мінска і складаецца з даследаванняў аўтара гісторыі Мінска з XI да пачатку XXI стагоддзя, многія з якіх публікаваліся ў 2002–2013 гадах на старонках газеты “Советская Белоруссия”. Храмы, кляштары, могілкі, грамадскія будынкі, іх мінулае і сучаснасць разглядаюцца ў кнізе не толькі з архітэктурнага пункта гледжання, але і праз лёсы звязаных з імі людзей.
Пад час прэзентацыі госці змогуць сустрэцца з аўтарам і героямі выдання, атрымаць адказы на пытанні, якія цікавяць, і набыць кнігу з аўтографам.
Тэлефон для даведак: (8 017) 293 27 56.
Е-mail: pr@nlb.by
